مەديسينا ۇيىمدارىنىڭ لاۋازىمدى تۇلعالارى جاڭا تۋعان بالانى تاستاپ كەتۋ فاكتىسىن پوليسياعا حابارلاماسا، وندا ولار اكىمشىلىك جاۋاپكەرشىلىككە تارتىلماق. ىشكى ىستەر مينيسترلىگى اكىمشىلىك قۇقىق بۇزۋشىلىق تۋرالى كودەكسىنە وسىنداي وزگەرىس ەنگىزبەك، دەپ حابارلايدى Almaty-akshamy.kz Inform.kz-كە سىلتەمە جاساپ.
«مەديسينالىق ۇيىمداردىڭ جانە جەتىم بالالار مەن اتا-انالارىنىڭ قامقورلىعىنسىز قالعان بالالارعا ارنالعان ۇيىمداردىڭ لاۋازىمدى ادامدارىنىڭ جاڭا تۋعان بالانى تاستاپ كەتۋ، جەتىم بالالار مەن اتا-انالارىنىڭ قامقورلىعىنسىز قالعان بالالاردىڭ كەلىپ ءتۇسۋى جانە جەتكىزىلۋى فاكتىسى تۋرالى حابارلاماۋى - جەكە تۇلعالارعا - 5، لاۋازىمدى ادامدارعا - 10 ايلىق ەسەپتىك كورسەتكىش مولشەرىندە ايىپپۇل سالىنادى.
ەگەر اكىمشىلىك جازا قولدانىلىپ، كەيىن 1 جىل ىشىندە ءدال سول ارەكەتى قايتالانسا، وندا جەكە تۇلعالارعا - 20، لاۋازىمدى ادامدارعا - 30 ايلىق ەسەپتىك كورسەتكىش مولشەرىندە ايىپپۇل سالىنادى»، - دەپ جازىلعان جاڭا رەداكسيادا.
قۇجات «اشىق» نقا پورتالىندا جاريالاندى. ونى تالقىلاۋ 23 جەلتوقسانعا دەيىن جالعاسادى.