«شەنچجوۋ-14» عارىش كەمەسى جەكسەنبىدە قىتايدىڭ سولتۇستىگىندەگى ىشكى موڭعوليا اۆتونوميالىق ايماعىندا (ءىماا) دالاعا قونادى. بۇل تۋرالى باسقارىلاتىن عارىشقا ۇشۋ باعدارلاماسىنىڭ قحر باسقارماسى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
باسقارمانىڭ حابارلاۋىنشا، بارلىق جوسپارلانعان ميسسيالاردى اياقتاعان قىتايلىق عارىشكەرلەر، «شەنچجوۋ-14» عارىش كەمەسىنىڭ ەكيپاج مۇشەلەرى 4 جەلتوقساندا جەرگە ورالادى. ەكيپاج ءىماا اۋماعىنداعى «دۋنفەن» قونۋ الاڭىنا قونادى.
3 جەلتوقساندا قىتايدىڭ وربيتالىق ستانسياسىندا قىتايلىق عارىشكەرلەر العاش رەت باسقارىلاتىن «شەنچجوۋ» كەمەلەرىن اينالدىردى. ەكيپاجدار عارىش ستانسياسىنىڭ كىلتتەرىن بەرۋدىڭ سيمۆولدىق ءراسىمىن وتكىزدى.
جۇڭگو ورتالىق تەلەارناسىنىڭ (CCTV) حابارلاۋىنشا، «شەنچجوۋ-16» عارىش كەمەسى قىتايدىڭ وربيتالىق ستانسياسىندا اپاتتىق-قۇتقارۋ جۇمىستارىن جۇرگىزۋگە دايىندالعان.
«شەنچجوۋ-16» عارىش كەمەسىن قۇراستىرۋ جانە سىناقتان وتكىزۋ جۇمىستارى اياقتالدى جانە اپاتتىق-قۇتقارۋ جۇمىستارى كۇتىلۋدە، دەپ حابارلادى CCTV.
بۇعان دەيىن ءمالىم بولعانداي، 30 قاراشادا بورتىندا ءۇش عارىشكەرى بار «شەنچجوۋ-15» عارىش كەمەسى وربيتالىق ستانسيامەن تۇيىسكەن.
قحر-دىڭ وربيتالىق ستانسياسى شامامەن 400 كم بيىكتىكتە ورنالاسقان جانە 10 جىلدان استام ۋاقىت جۇمىس ىستەۋگە ارنالعان.