سوڭعى جانجال كەزىندە كۇدىكتى اتىس قارۋىن قولدانعان
الماتى وبلىسى پوليسيا دەپارتامەنتى قايعىلى وقيعا كۋاگەرلەرىنىڭ بەرگەن كۋالىگىنە سۇيەنە وتىرىپ، كىسى ولىمىنە دەيىن تاراپتار اراسىندا ۇزاققا سوزىلعان ارازدىق بولعانىن ايتتى، دەپ حابارلايدى Almaty-akshamy.kz.
«توبەلەسكە قاتىسۋشى قوس تاراپ مەكتەپ قابىرعاسىنان باستاپ اراز بولىپ، بۇگىنگى كۇنگە دەيىن ءبىر-بىرىن جاراتپاي كەلگەن. سوڭعى جانجال كەزىندە كۇدىكتى اتىس قارۋىن قولدانعان. سالدارىنان بىرەۋى قايتىس بولىپ، قالعان ەكەۋى جاراقات الدى»،-دەلىنگەن حابارلامادا.
ق ر ءىىم ۇزىناعاشتاعى جاس جىگىتتىڭ ولىمىنە قاتىستى تەرگەۋ ەرەكشە باقىلاۋعا الىنعانىن حابارلايدى. ءقازىر ءوڭىر پوليسەيلەرى كۇدىكتىلەردى ىزدەستىرۋ بويىنشا ارنايى ءىس-شارالار وتكىزىپ جاتىر.
4 تامىزدا ساعات 16:20 شاماسىندا ءۇش جەرگىلىكتى تۇرعىن وق جاراقاتىمەن ۇزىناعاش اۋىلىنىڭ اۋرۋحاناسىنا كەلىپ ءتۇستى، ولاردىڭ بىرەۋى جانساقتاۋ بولىمىندە جان تاپسىردى. "ۇستاۋ" جوسپارى جاريالاندى. وبلىستىق پوليسيا قىزمەتكەرلەرى توبەلەسكە قاتىسۋشىلاردىڭ بارلىعىن انىقتاپ، ولاردى ۇستاۋ بويىنشا ءىس-شارالار جۇرگىزىلىپ جاتقانىن حابارلادى.