ءتيىستى شەشىم قابىلداندى
46-شى دۇنيەجۇزىلىك شاحمات وليمپياداسى 2026 جىلى وزبەكستاندا وتەدى. بۇل تۋرالى وزبەكستان شاحمات فەدەراسياسىنىڭ پرەزيدەنتى الىشەر سادۋللايەۆ ءوزىنىڭ Telegram-كانالىندا مالىمدەدى، دەپ حابارلايدى Almaty-akshamy.kz.
ءتيىستى شەشىم ءۇندىستاننىڭ چەنناي قالاسىندا وتكەن حالىقارالىق شاحمات فەدەراسياسىنىڭ (FIDE) باس اسسامبلەياسىندا قابىلداندى. ءتۋرنيردى وتكىزۋگە پولشا مەن زامبيا دا ءوتىنىش ءبىلدىردى، ءبىراق ولار ءوز ۇكىمەتىنىڭ كەپىلدىك حاتتى جوقتىعىنان فينالدىق تۋرعا قاتىسا المادى. ناتيجەسىندە دەلەگاتتاردىڭ بۇكىل داۋسى وزبەكستانعا بەرىلدى. وزبەكستان بۇل جارىستى العاش رەت وتكىزەدى. تاشكەنت نەمەسە سامارقاند تاڭدالادى. 29 شىلدە مەن 9 تامىز ارالىعىندا ءۇندىستاننىڭ چەنناي قالاسىندا 44ء-شى شاحمات وليمپياداسى ءوتىپ جاتىر. 45ء-شى شاحمات وليمپياداسى 2024 جىلى ۆەنگريانىڭ بۋداپەشت قالاسىندا وتەدى.