قوستانايدا پوليسيا قىزمەتكەرى ءبىر كافەدە ماس بولىپ، ۇلكەن داۋ شىعاردى.
وقيعا كەزىندە بىرنەشە ادام قوناقتى سىرتقا شىعارۋعا تىرىسقان، ال ول بولسا كوشەدە توبەلەسۋگە دايىن بولعان، دەپ حابارلايدى aqshamnews.kz.
وقيعانىڭ ۆيدەوسى جەرگىلىكتى «توبولينفو» باسىلىمىندا جاريالاندى. ۆيدەودا قوستاناي وبلىسى پوليسيا دەپارتامەنتىنىڭ جەكە قۇرام بويىنشا اعا ينسپەكتورى بولات يبراشيەۆتى كافەدەن سۇيەمەلدەپ الىپ شىعىپ بارا جاتقانىن كورۋگە بولادى.
وقيعا وتكەن مەرەكە كۇندەرى ورىن العان. وبلىستىق پوليسيا دەپارتامەنتى وقيعاعا قاتىستى پىكىر ءبىلدىردى.
«وقيعا بويىنشا قىزمەتتىك تەرگەۋ جۇرگىزىلۋدە. تەرگەۋ بارىسىندا قىزمەتكەردىڭ ارەكەتتەرىنە قۇقىقتىق باعا بەرىلىپ، قىزمەتكەر مەن ونىڭ باسشىلىعىنىڭ جاۋاپكەرشىلىگى انىقتالاتىن بولادى»، — دەپ مالىمدەدى ۆەدومستۆو وكىلدەرى.
سونداي-اق، مەرەكە كۇندەرى قۇقىق قورعاۋ ورگاندارىنىڭ قىزمەتكەرلەرى كۇشەيتىلگەن رەجيمدە جۇمىس ىستەگەنى حابارلاندى.