سونىمەن قاتار ءبىلىم بەرۋ مەكەمەلەرىن مامانداندىرىلعان كۇزەتپەن قورعاۋعا ەرەكشە نازار اۋدارىلدى.
الماتى قالالىق پوليسياسى قالاداعى بارلىق مەكتەپتەردىڭ قاۋىپسىزدىگىن تەكسەردى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل تۋرالى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ جۋرناليستەرمەن كەزدەسۋدە مالىمدەدى.
«رەسەي فەدەراسياسىنىڭ قازان قالاسىندا بولعان قايعىلى وقيعالاردى ەسكەرە وتىرىپ، الماتى قالالىق پد اۋداندىق ءبىلىم بولىمدەرىنىڭ وكىلدەرىمەن بىرگە قالاداعى 207 جالپى ءبىلىم بەرۋ مەكەمەلەرىنە تەكسەرىس جۇرگىزدى. تەكسەرۋ 4،5 مىڭنان استام بەينەباقىلاۋ كامەرالارى، سونداي-اق كۇزەت اگەنتتىگىنە دابىل بەرەتىن دۇربەلەڭ تۇيمەلەرى ورناتىلعان جانە جۇمىس ىستەيتىن بارلىق جالپى ءبىلىم بەرەتىن مەكتەپتەردىڭ 100% قامتىدى. سونىمەن قاتار ءبىلىم بەرۋ مەكەمەلەرىن مامانداندىرىلعان كۇزەتپەن قورعاۋعا ەرەكشە نازار اۋدارىلدى»، – دەدى قانات تايمەردەنوۆ.