بۇگىنگى تاڭدا الماتى قالاسىندا 1462 ءبىلىم بەرۋ مەكەمەسى بار.
الماتى پوليسياسى جول-كولىك جاراقاتىنىڭ الدىن الۋ جانە جول-كولىك وقيعالارىن بولدىرماۋ ماقساتىندا جالپى ءبىلىم بەرەتىن جانە مەكتەپكە دەيىنگى مەكەمەلەرگە ىرگەلەس اۋماقتارعا تەكسەرۋ جۇرگىزدى، دەپ حابارلايدى Almaty-akshamy.kz.
«جالپى، ءبىلىم وشاقتارىنداعى جول بەلگىلەرى تولىعىمەن ورناتىلعان. ايتپاقشى، جول قوزعالىسىنا قاتىسۋشىلاردىڭ نازارىن اۋدارۋ ءۇشىن ماكسيمالدى جىلدامدىق تۋرالى حابارلاي وتىرىپ، “نازار اۋدارىڭىز! بالالار!”، “جاياۋ جۇرگىنشىلەر” جانە باسقا دا اقپاراتتارى بار جول بەلگىلەرىنىڭ 1408 بىرلىگى ورناتىلىپ، 588 بىرلىگى اۋىستىرىلدى. سونىمەن قاتار بالالاردىڭ قاۋىپسىزدىگىن قامتاماسىز ەتۋ جانە ىرگەلەس اۋماققا بالالاردىڭ كەزدەيسوق شىعۋىنا جول بەرمەۋ ءۇشىن نەگىزگى كوشەلەرگە تەمىر قورشاۋلار مەن قورشاۋ دوڭگەلەگى ورناتىلدى. سونداي-اق 207 رەتتەلمەيتىن جاياۋ جۇرگىنشىلەر وتكەلى LED جارىقتاندىرۋىمەن جانە جەكە جوبالانعان پانەلدەرمەن جابدىقتالعان»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
سونىمەن بىرگە، ءاپب مالىمەتتەرى بويىنشا، ءبىلىم بەرۋ مەكەمەلەرى اۋماعىندا كولىك قوزعالىسىنىڭ جىلدامدىعىن باقىلاۋ ماقساتىنداسەرگەك” اوك-نىڭ 112 بەكەتى جۇمىس ىستەيدى. “مەكتەپ اۆتوبۋسى” جوباسىن جۇزەگە اسىرۋ اياسىندا 2023 جىلى 30 مەكتەپكە 8258 وقۋشىنى قامتيتىن 100 اۆتوبۋس ساتىپ الىندى. 2024 جىلى 15360 بالانى قامتيتىن تاعى 100 اۆتوبۋس ساتىپ الۋ جوسپاردا بار.