الماتى پوليسەيلەرى جەزوكشەلىكپەن اينالىسقان وزبەكستان ازاماتتارىن ۇستادى
پوليسيا قىزمەتكەرلەرى “قۇقىقتىق ءتارتىپ” رەسپۋبليكالىق جەدەل الدىن الۋ ءىس-شاراسى بارىسىندا جەڭىل ءجۇرىستى قىزداردى انىقتادى، دەپ حابارلايدى Almaty-akshamy.kz.
«قوناق ءۇي كەشەندەرىنىڭ بىرىندە ينتيمدىك قىزمەت كورسەتەتىن ايەلدەر ۇستالدى. ولاردىڭ اراسىندا وزبەكستاننىڭ ەكى ازاماتى بار. پد-نىڭ قابىلداپ-تاراتۋىنا جەكە باسىن كۋالاندىراتىن قۇجاتتارى جوق شەتەلدىك ايەلدەر ورنالاستىرىلدى. سونىمەن قاتار عيمارات يەسىنە قاتىستى ق ر اقبتك-نىڭ 450-بابى بويىنشا ماتەريال جينالدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
ەستەرىڭىزگە سالا كەتەيىك، 20-30 قاراشا ارالىعىندا قۇقىق بۇزۋشىلىققا مۇلدەم توزبەۋشىلىك قاعيداتىن كۇشەيتۋ جانە كوشەلەردە جانە باسقا دا قوعامدىق ورىنداردا ءتيىستى قوعامدىق ءتارتىپتى ساقتاۋ ماقساتىندا قالادا كەڭ اۋقىمدى “قۇقىقتىق ءتارتىپ” ءىس-شاراسى ءوتتى.