“قورعاۋ – ءقاۋىپتى جۇرگىزۋشى” اۆتوماتتاندىرىلعان كەشەنى زاڭعا قايشى ارەكەت جاساعان جۇرگىزۋشىنى انىقتادى، دەپ حابارلايدى Almaty-akshamy.kz.
«“بۋران-022” پاترۋلدىك ەكيپاجى دابىلعا ءبىرىنشى بولىپ جاۋاپ بەردى. جول-كولىك وقيعاسى اباي داڭعىلىندا بولعان. سول جەردە Toyota مەن Chevrolet سوقتىعىستى. الايدا Toyota جۇرگىزۋشىسى وقيعا ورنىنان قاشىپ كەتكەن. جەكە قۇرام اتالعان كولىكتى ۇستاۋعا جۇمىلدىرىلدى. كولىك قۇرالى مامانداندىرىلعان ايىپپۇل تۇراعىنا قويىلدى. جۇرگىزۋشى جول-كولىك وقيعاسى بويىنشا قىزمەتتىك تەرگەۋگە تارتىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.