2017 جىلى "الماتى 1 تج ۆوكزالى – ۇزىناعاش - الماتى 1 تج ۆوكزالى" باعىتىندا الەۋمەتتىك ماڭىزى بار ەلەكتر تەمىرجول مارشرۋتى ۇيىمداستىرىلعان.
ۇزىناعاش اۋىلىندا ورنالاسقان ستانسيا "قازىبەك بەك" دەپ اتالۋىنا بايلانىستى، الماتى قالاسى ءماسليحاتىنىڭ شەشىمىندە ناقتىلاۋ تالاپ ەتىلەدى، دەپ حابارلايدى Almaty-akshamy.kz.
سونىمەن قاتار، قالا ماڭىنداعى ايماق تۇرعىندارىنىڭ كوپتەگەن وتىنىشتەرىنە بايلانىستى بۇل مارشرۋتتىڭ قوزعالىس سىزباسى "الماتى 2" تج ۆوكزالىنا دەيىن ۇزارتىلعان بولاتىن. الايدا، مارشرۋتتىڭ اتاۋى وزگەرىسسىز قالدى.
وسىعان بايلانىستى وسى تەمىرجول حابارلاماسىنىڭ اتاۋىنا كەلەسىدەي وزگەرىستەر ەنگىزۋ قاجەت:
- "قازىبەك بەك ستانسياسى - الماتى 2 تج ۆوكزالى - قازىبەك بەك ستانسياسى".
باياندالعاننىڭ نەگىزىندە، الماتى قالاسى ءماسليحاتىنىڭ وسى تەمىرجول قاتىناسىنىنىڭ اتىن وزگەرتۋ تۋرالى شەشىمىنىڭ جوباسىن قولداۋىڭىزدى سۇرايمىز.