قاۋلى ءالى زاڭدى كۇشىنە ەنگەن جوق.
تالعار اۋداندىق سوتى پوليسيا فورماسىن زاڭسىز كيگەن ادامعا 18 460 تەڭگە ايىپپۇل سالدى، دەپ حابارلايدى Almaty-akshamy.kz
الماتى وبلىسى تالعار اۋداندىق سوتىندا اكىمشىلىك قۇقىق بۇزۋ تۋرالى كودەكستىڭ 675-بابىنىڭ 1-بولىگىندە كوزدەلگەن ارنايى پوليسيا قىزمەتكەرىنىڭ فورماسىن زاڭسىز كيىپ ءجۇرۋ فاكتىسى بويىنشا ي. ەسىمدى ازاماتقا قاتىستى اكىمشىلىك ءىس قارالدى.
«قۇقىق بۇزۋشىنىڭ كىناسى ونىڭ مويىنداۋىمەن، سونداي-اق سوت وتىرىسى بارىسىندا زەرتتەلگەن ءىس ماتەريالدارىمەن دالەلدەندى. سوت قاۋلىسىمەن قۇقىق بۇزۋشى ي. كودەكستىڭ 675-بابىنىڭ 1-بولىگى بويىنشا كىنالى دەپ تانىلىپ، وعان 5 اەك (18 460 تەڭگە) كولەمىندە ايىپپۇل سالىندى. فورما تاركىلەنەدى»، - دەپ حابارلادى سوتتان.