كۇن جىلىنىسىمەن تابيعات اياسىنا دەمالۋعا شىعىپ، سەيىل قۇراتىن ادامدار كەيبىر قاراپايىم ەرەجەلەردى ساقتاماي، ءتۇرلى جاندىكتەردەن زارداپ شەگىپ جاتادى. سونداي جاندىكتىڭ ءبىرى – كەنەنىڭ كەسىرىنەن ادام تۇگىلى مال دا قىرىلىپ جاتىر.
مامانداردىڭ ايتۋىنشا، ادام ءۇشىن كەنەنىڭ شاعۋى كاۋىپتى ەمەس. كەنەنىڭ سىلەكەيىمەن نەمەسە كەنەنىڭ جانشىعاندا قانعا تۇسەتىن ۆيرۋستارى وتە ءقاۋىپتى كورىنەدى.
كەنەلەردىڭ ءقاۋىپ ءتوندىرۋ كەزەڭدەرى جىل مەزگىلىنىڭ كوكتەم ايلارىنان باستاپ جازدىڭ سوڭعى ايلارىنا دەيىن جالعاسادى. كەنەنىڭ نەگىزگى قورەگى قان بولعاندىقتان ول ادام ومىرىنە وتە ءقاۋىپتى. ادام ولىمىنە اكەلۋى ابدەن مۇمكىن. تەرىگە ەنگەن كەنەنى بىردەن الىپ تاستاۋ وڭايعا تۇسپەيدى. سول سەبەپتى كەنە شاققاندا الدىمەن دارىگەردىڭ كومەگىنە جۇگىنگەن ءجون. بىزدە ارنايى كەنە الاتىن قۇرال بار. ول تيكۆەستەر دەپ اتالادى. سونىمەن الىپ تاستايمىز، اۋرۋدى جۇقتىرۋ كەنەنىڭ قان سورۋ كەزىندە بولادى. ياعني، تەرىدەن الىنعان كەنەلەردە ۆيرۋستاردىڭ بار-جوعىن انىقتاۋ ءۇشىن ءبىرىنشى كەزەكتە زەرتحاناعا ساراپتاماعا جىبەرۋ كەرەك.
قولىڭىزدا پينسەت بولماسا، ونى ءجىپ ىلگەگىمەن نەمەسە وعان ۆازەلين جاعۋ كەرەك نەمەسە وسىمدىك مايىن قۇيۋ كەرەك، سەبەبى كەنە تولىعىمەن جابىلۋى كەرەك. 5 مينۋتتان كەيىن ءجىپتى تارتا باستاۋ كەرەك. سول كەزدە 15-20 مينۋت ىشىندە كەنە جويىلادى. سوسىن ول اۋماقتى يودپەن نەمەسە سپيرتپەن زارارسىزداندىرۋ كەرەك، - دەيدى ينفەكسيونيست، پارازيتولوگ رابيعا ءنۇسىپوۆا.
كەنە بىردەن تىستەمەيدى...
دارىگەردىڭ ايتۋىنشا، كەنەدەن قورعانۋ ءۇشىن اعاشتاردان، جاپىراقتى توعايلاردان قاشقان ءجون جانە جالاڭ اياق ءشوپتى باسپاۋ كەرەك.
كەنەنى سىعىپ نەمەسە جاراقاتتاۋ ارقىلى تەرىدەن شىعارۋدى تىپتەن ويلاماڭىز. ولاي جاساعان جاعدايدا ونداعى ۆيرۋس بۇكىل دەنەگە تاراپ، جۇيكە جۇيەسىنە ءقاۋىپ ءتوندىرۋى مۇمكىن. سونداي-اق ادامنىڭ دەنەسىندە كەنە نەعۇرلىم ۇزاق بولسا، اۋرۋدىڭ دامۋ ءقاۋپى سوعۇرلىم جوعارى بولادى. دەگەنمەن كەنە ارا ەمەس، بىردەن تىستەمەيدى جانە وعان ەكى ساعات قاجەت. سوندىقتان ۋاقتىلى تەكسەرۋ كوبىنە بارلىق پروبلەمانى جويادى. ولار ۇشپايدى، سەكىرمەيدى. سوندىقتان قورعانۋ ءۇشىن اعاشتاردان، جاپىراقتى توعايلاردان قاشقان ءجون جانە جالاڭ اياق ءشوپتى باسپاۋ كەرەك، - دەيدى مامان.
جاندىكتەن قالاي قورعانۋعا بولادى؟
ينفەكسيونيست مامان كەنەلەر ءتۇرلى جۇقپالى اۋرۋلاردى تاراتۋشى جاندىكتەر بولعاندىقتان، ودان قورعانۋعا كرەمدەر كومەكتەسپەيتىنىن ايتادى.
دارىگەردىڭ سوزىنە قاراعاندا، ءبىرىنشى كەزەكتە قىس ايلارىنىڭ باسىندا كەنە ەنسەفاليتىنە قارسى ەكپە جاساتۋ قاجەت.
سوندىقتان كوكتەم، جاز مەزگىلدەرىندە، اسىرەسە، اعاش، ءشوپ كوپ كەزدەسەتىن اۋماقتاردا ۇزاق ۋاقىت بولساڭىز جەڭى ۇزىن كيىمدەردى كيۋ كەرەك. ال دەنەنىڭ اشىق جەرلەرىنە اەروزول، ءتۇرلى كرەمدەردى جاعىپ قويۋ كەنەدەن قورعانۋعا زا دا بولسا اسەرىن تيگىزەدى. جانە ول كرەمدەردى 1-2 ساعات سايىن جاعىپ تۇرۋ كەرەك. شاشتىڭ تۇبىنە دە ارنايى سپرەيلەر جاققان ابزال، - دەيدى رابيعا ءنۇسىپوۆا.
كەنە شاققانىن قالاي بىلۋگە بولادى؟
بىردەن بايقالماسا دا، ونىڭ باستى بەلگىلەرى:
دەنەنىڭ قالتىراۋى؛
كەيدە دەنە قىزۋى 37-39 گرادۋسقا دەيىن كوتەرىلەدى:
تەرىنىڭ ءبورتىپ قىزارۋى؛
باستىڭ قاتتى اۋىرۋى؛
بۇلشىقەتتىڭ اۋىرۋى؛
السىزدىك؛
تابەتتىڭ جوقتىعى؛
تىنىس جولدارىنىڭ قابىنۋى.