الماتى قالاسىنىڭ ەكولوگيا جانە قورشاعان ورتا باسقارماسى «ءالماتى-بىزدىڭ ورتاق ءۇيىمىز» ناۋقانى اياسىندا «قوقىستان جاسالعان ۇزدىك ارت-نىسان» بايقاۋىن جاريالادى.
بايقاۋعا كەز-كەلگەن نيەت ءبىلدىرۋشى شاقىرىلىپ، قاتىستى. سۋرەتشىلەر، ءمۇسىنشى، ساۋلەتشىلەر مەن ونەر سۇيەر قاۋىم بەلسەندىلىك تانىتتى. وتىنىمدەر بيىلعى جىلدىڭ 12-30 ءساۋىرى ارالىعىندا قابىلداندى.
بارلىعى 30-دان استام ءوتىنىم كەلىپ ءتۇستى. ونىڭ 15ء-ى كونكۋرستىڭ بارلىق شارتىنا سايكەس كەلىپ، ماقۇلداندى. «قوقىستان جاسالعان ۇزدىك ارت-نىسان» بايقاۋىنىڭ قورىتىندىسى 8 مامىر كۇنى ساعات 14.00-دە «مۋسورگي» فلەشموبى اياقتالعاننان كەيىن شىعارىلادى.
جۇلدە قورى (دەمەۋشىلىك قاراجات ەسەبىنەن) :
1 ورىن - 1 ملن. تەڭگە
2 ورىن - 500 مىڭ تەڭگە
3 ورىن - 300 مىڭ تەڭگە
كونكۋرستىق كوميسسيانىڭ قۇرامىنا قاستەيەۆ اتىنداعى مۇراجاي ديرەكتورىنىڭ ورىنباسارى س. كوبجانوۆا، «الماتى قالاسى مۇراجايلارىنىڭ بىرلەستىگى» كمقك الماتى قالاسى تاريحى مۇراجايى ءبولىمىنىڭ باسشىسى ا. حوجامۇراتوۆا، «Aspan» قازىرگى زامانعى ونەر گالەرەياسىنىڭ ديرەكتورى م. قالييەۆا، قازىرگى زامانعى ونەردىڭ كۋراتورى ءارى زەرتتەۋشىسى ۆ. يبرايەۆا، «Artbat Fest» فەستيۆالىنىڭ ۇيىمداستىرۋشىسى ۆ. سلۋدسكيي، Econetwork جوباسىنىڭ نەگىزىن قالاۋشى مۇحامەدجانوۆ ە.
بايقاۋدىڭ نەگىزگى ماقساتى — تۇرمىستىق قالدىقتاردى بولەك جيناۋ ءارى لاستانۋ پروبلەمالارىنا نازار اۋدارۋ، تۇرعىنداردى ءتارتىپتى، تازالىقتى ساقتاۋعا جانە قورشاعان ورتاعا ۇقىپتى قاراۋعا ىنتالاندىرۋ.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.