تاركىلەنگەن قارۋ سوت-بالليستيكالىق ساراپتاماعا جىبەرىلدى.
الماتى پوليسەيلەرى قارۋ-جاراق دۇكەنىنەن ۇرلانعان قارۋدى تاركىلەدى، دەپ حابارلايدى Almaty-akshamy.kz
Iشكى ىستەر مينيسترلىگىنىڭ رەسمي سايتىنداعى مالىمەت بويىنشا، «كامەراد» قارۋ-جاراق دۇكەنىن توناعان ءۇش ادام ۇستالدى. ولاردان بەس مىلتىق تاركىلەندى.
«ەكى كۇدىكتى – الماتى وبلىسىنىڭ، تاعى بىرەۋى جامبىل وبلىسىنىڭ تۇرعىندارى. ايتپاقشى، ول بۇرىن توناۋ بويىنشا سوتتى بولعان. ولار 22-24 جاستا. الماتى وبلىسى، قاراساي اۋدانى اۋماعىندا ارنايى ءىس-شارا بارىسىندا ەكى كۇدىكتى ۇستالدى، تاعى ءبىر ايىپتالۋشى الماتىداعى دوستىق داڭعىلىنداعى ساۋدا ۇيىندە تۇتقىندالدى. ولار قاماۋعا الىندى. ۇستالعانداردىڭ باسقا دا زاڭسىز ارەكەتتەرگە، سونىڭ ىشىندە قاڭتارداعى جاپپاي تارتىپسىزدىكتەرگە قاتىسى بار-جوعى تەكسەرىلىپ جاتىر»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.
تاركىلەنگەن قارۋ سوت-بالليستيكالىق ساراپتاماعا جىبەرىلدى.