پوليسيا قىزمەتكەرلەرى ەشقاشان تەلەفون ارقىلى ارنايى ءىس-شارالار مەن تەرگەۋ ارەكەتتەرىن جۇرگىزبەيدى
الماتى پوليسياسى الاياقتىقتىڭ جاڭا ءتۇرى تۋرالى ەسكەرتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيا اتاپ ايتقانداي، قىلمىسكەرلەر كەلەسىدەي تىزبەكپەن ارەكەت ەتەدى. ولار ۇيالى تەلەفونعا قوڭىراۋ شالىپ، وزدەرىن پوليسيا قىزمەتكەرىمىن دەپ تانىستىرادى. سودان كەيىن ولار ءسىزدىڭ اتىڭىزعا نەسيە الماق بولعان الاياقتاردى ۇستاۋ بويىنشا ارنايى ءىس-شارا جۇرگىزىلىپ جاتقانىن ايتادى.
تاعى ءبىر جولى جالعان پوليسيا قىزمەتكەرى ۇلتتىق بانكىمەن بىرلەسكەن جۇمىس جۇرگىزىلىپ جاتقانىن جانە ولاردان ۇلتتىق بانك قىزمەتكەرىنە بايلانىستى اۋىستىرۋ ءۇشىن جەلىدە قالۋدى سۇرايدى. ودان ءارى تەلەفوننىڭ ار جاعىنداعى داۋىس ءسىزدىڭ كارتاڭىزعا رۇقسات ەتىلمەگەن اۋدارىمدار جاسالىپ جاتقانىن جانە اقشاڭىزدى ۇنەمدەۋ ءۇشىن بانكتىك شوتىڭىزعا نەمەسە ءۇشىنشى تۇلعالاردىڭ شوتىنا بەلگىلى ءبىر سومانى سالۋ كەرەك ەكەنىن تۇسىندىرەدى.
ەسىڭىزدە بولسىن، پوليسيا قىزمەتكەرلەرى ەشقاشان تەلەفون ارقىلى ارنايى ءىس-شارالار مەن تەرگەۋ ارەكەتتەرىن جۇرگىزبەيدى . بۇل ماقسات ءۇشىن ولار باراتىن كۇنى مەن ۋاقىتىن بەلگىلەي وتىرىپ، پوليسيا بولىمشەسىنە كەلۋگە شاقىرادى. سونىمەن قاتار، بانك قىزمەتكەرلەرى ەشقاشان ءسىزدىڭ كارتاڭىزدىڭ دەرەكتەمەلەرىن سۇرامايتىنىن، سونداي-اق تەلەفونىڭىزعا كەلەتىن كىرۋ كودتارىن ايتۋدى تالاپ ەتپەيتىنىن ەستە ساقتاڭىز. مۇنداي جاعدايلاردا تەلەفون ارقىلى سويلەسۋدى توقتاتىپ، بانك كارتاسىندا نەمەسە بانكتىڭ سايتىندا كورسەتىلگەن سەنىمدى نومىرگە قايتا قوڭىراۋ شالۋ كەرەك. ەشبىر جاعدايدا بانك كارتاڭىزدىڭ اقپاراتىن نەمەسە جەكە اقپاراتىڭىزدى ەشكىممەن بولىسپەڭىز، – دەيدى پوليسەيلەر.