الماتىدا كاسىپكەرلەر ءۇشىن ءبىرىڭعاي ەسەپ بەرۋ كۇنى وتەدى، دەپ حابارلايدى Almaty-akshamy.kz
28 قىركۇيەكتە «الماتىباسجوسپار» الاڭىندا ءبىرىڭعاي ەسەپ بەرۋ كۇنى وتەدى. قالالىق باقىلاۋ-قاداعالاۋ ورگاندارى 2023 جىلدىڭ 1 قاڭتارى جانە 1 تامىزى ارالىعىندا اتقارىلعان جۇمىستار تۋرالى اقپاراتتى بولىسەدى.
ءىس-شارا وفلاين فورماتتا وتەدى. ءبىرىڭعاي ەسەپ بەرۋ كۇنى بيزنەستى مەملەكەتتىڭ باقىلاۋ-قاداعالاۋ فۋنكسيالارىمەن تانىستىرۋ، كاسىپكەرلىك سۋبەكتىلەرىنىڭ قۇقىقتىق ساۋاتىن ارتتىرۋ جانە ءقاۋىپسىز قىزمەتتى ۇيىمداستىرۋ ماقساتىندا جىل سايىن وتكىزىلەدى.
وعان كاسىپكەرلىك سۋبەكتىلەرى، وڭىرلىك كاسىپكەرلەر پالاتاسى، باقىلاۋ جانە قاداعالاۋ ورگاندارى، مەملەكەتتىك قىزمەت سالاسىنداعى ۋاكىلەتتى ورگان، سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگاننىڭ وكىلدەرى، سونىمەن قاتار، قالانىڭ پروكۋراتۋرا ورگاندارىنىڭ ماماندارى قاتىسادى.
قاتىسۋ ءۇشىن +77056667556 تەلەفون نومىرىنە حابارلاسۋىڭىزدى سۇرايمىز.
وتكىزۋ ۋاقىتى: 28 قىركۇيەك 15:00
وتەتىن ورنى: «الماتىگەنجوسپار» عىلىمي زەرتتەۋ ينستيتۋتى، اباي داڭعىلى 90