پويىزى كەشىككەن جولاۋشىلار نەنى ءبىلۋى كەرەك؟

ءار ساعات ءۇشىن بيلەت قۇنىنىڭ 3%ء-ى قايتارىلادى.

«قازاقستان تەمىر جولى» پويىزداردىڭ كەشىگۋ سەبەبىن ايتتى، دەپ حابارلايدى Almaty-akshamy.kz

اۋا رايىنىڭ قولايسىزدىعىنا بايلانىستى كوپتەگەن پويىز كەشىگىپ جاتىر.

«اۋا رايىنىڭ قولايسىزدىعىنا بايلانىستى قاۋىپسىزدىك ءۇشىن تەمىر جول ۋچاسكەلەرىندە شەكتەۋلەر قويدى. كومپانيا قوزعالىس كەستەسىن قالپىنا كەلتىرۋ ءۇشىن بارلىق قاجەتتى شارانى قابىلداپ جاتىر»، - دەيدى «جولاۋشىلار تاسىمالى» اق رەسمي وكىلى ءمادي مۇحامەدقالي.

كومپانيا وكىلىنىڭ ايتۋىنشا، ۆوكزالداردا كەشىگۋ تۋرالى اقپارات تاراتىلعان. 1433 انىقتاما قىزمەتى ارقىلى پويىزداردىڭ كەستەسى تۋرالى مالىمەت بەرىلىپ جاتىر.

پويىز ءۇش ساعاتتان ارتىق ۋاقىت كەشىكسە، سمس-حابارلاما جىبەرىلەدى. قۇجاتتاردى تاپسىرۋ بويىنشا اقپارات مەسسەندجەرى ارقىلى دا اقپارات بەرىلىپ جاتقان كورىنەدى.

«پويىز ءبىر ساعاتتان استام ۋاقىت كەشىكسە، ءار ساعات ءۇشىن بيلەت قۇنىنىڭ 3%-ى قايتارىلادى. ەگەر پويىز 6 ساعاتتان استام ۋاقىت كەشىكسە، مەيرامحانا ۆاگوندارىندا تەگىن تاماق بەرىلەدى»، - دەپ حابارلادى «جولاۋشىلار تاسىمالى» اق رەسمي وكىلى ءمادي مۇحامەدقالي.