«جولاۋشىلار تاسىمالى» اق پايدالانىلماعان جول ءجۇرۋ قۇجاتتارىن (بيلەتتەرىن) قايتارۋ جانە پويىزداردىڭ كەشىگىپ كەلگەنى ءۇشىن وتەماقى تولەۋ قر-دا جولاۋشىلاردى، باگاجدى، جۇك-باگاجدى جانە پوشتا جونەلتىمدەرىن تەمىرجول كولىگىمەن تاسىمالداۋ قاعيدالارىنا سايكەس جۇرگىزىلەتىنىن مالىمدەدى، دەپ حابارلايدى Almaty-akshamy.kz.
پويىز كەشىككەن كەزدە:
- 1 ساعاتتان كەشىكتىرىلمەي جۇرەتىن پويىزدا جۇرۋدەن باس تارتقان جولاۋشىلارعا جول ءجۇرۋ قۇنىن تولىق قايتارۋ جۇرگىزىلەدى، ءبىراق جولاۋشىلار پويىزى بيلەتتە كورسەتىلگەن ستانسيادان جونەلتىلگەنگە دەيىن.
- جولاۋشىلارعا جول ءجۇرۋ جولىندا ساپارلاۋىن توقتاتقان كەزدە، ءجۇرىپ وتپەگەن قاشىقتىق ءۇشىن جول ءجۇرۋ قۇنى تولەنەدى
- ۇلتتىق تاسىمالداۋشىنىڭ جولاۋشىلار پويىزى كەشىككەن جاعدايدا ءاربىر تولىق ساعات ءۇشىن 3% مولشەرىندە وتەماقى تولەنەدى، ءبىراق جول ءجۇرۋ قۇنىنان اسپايدى. وتەماقىنى «جولاۋشىلار تاسىمالى» اق-نىڭ بيلەت كاسسالارىنان الۋعا بولادى.
جەكە تاسىمالداۋشىنىڭ جولاۋشىلار پويىزىمەن ساپارلاعان جولاۋشىلار وتەماقى الۋ ءۇشىن جەكە تاسىمالداۋشىنىڭ اكىمشىلىگىنە جۇگىنۋى كەرەك.
جولاۋشىلار پويىزىن اۋىستىرۋ كەزىندە:
- اۋىستىرىلعان تومەنگى ساناتتاعى جولاۋشىلار پويىزىندا / ۆاگونىندا ساپارلاعان جولاۋشىلارعا جول ءجۇرۋ قۇنىنىڭ ايىرماسى تولەنەدى، جوعارى سانات ءۇشىن جولاۋشىلاردان قوسىمشا اقى الىنبايدى.
- اۋىستىرىلعان پويىزدا/ۆاگوندا جول جۇرۋدەن باس تارتقان جولاۋشىلارعا جول ءجۇرۋدىڭ تولىق قۇنى قايتارىلادى.