قمدب ءتوراعا ورىنباسارى، نايب ءمۇفتي، شاريعات جانە ءپاتۋا ءبولىمىنىڭ مەڭگەرۋشىسى سانسىزباي شوقانوۆ ءپىتىر ساداقا مولشەرى قالاي بەلگىلەنگەنىن ءمالىم ەتتى.
2024 جىلعى ءپىتىر ساداقانىڭ باعاسى نارىقتىق ورتاشا باعاسىمەن ەسەپتەلىپ تومەندەگىدەي بەكىتىلدى، دەپ حابارلايدى Almaty-akshamy.kz
بيداي 2 كگ – 341 تەڭگە.
ۇن 2 كگ – 640 تەڭگە.
ارپا 4 كگ – 701 تەڭگە.
مەيىز 2 كگ – 5745 تەڭگە.
قۇرما 4 كگ – 8536 تەڭگە.
قازىرگى تاڭدا بيدايدىڭ ءوزى ەمەس، ۇن، تالقان سەكىلدى ونىڭ ونىمدەرى كەڭ قولدانىلادى. سول سەبەپتى قازاقستان مۇسىلماندارى ءدىني باسقارماسى ءپىتىر ساداقانىڭ قۇنىن ۇنمەن ەسەپتەۋدى نەگىزگە الادى. ويتكەنى شاريعاتتا بيدايمەن قاتار ونىڭ ونىمدەرىمەن دە ءپىتىر ساداقا بەرۋگە رۇقسات ەتىلەدى.
«ءپىتىر ساداقانى بەرۋدىڭ ءۋاجىپ ۋاقىتى ايتتىڭ ءبىرىنشى كۇنى. ونى رامازان ايىنىڭ ءبىرىنشى كۇنىنەن باستاپ بەرۋگە بولادى. ۋاقىتىندا بەرە الماعان جاعدايدا ايت نامازىنان كەيىن بەرسە دە بولادى. الايدا ءپىتىردى ايت نامازىنا دەيىن بەرۋ – مۇستاحاب»، - دەيدى قمدب ءتوراعا ورىنباسارى.
وسىعان وراي 2024 جىلعى رامازان ايىنداعى ءبىر ادام ءۇشىن بەرىلەتىن ءپىتىر ساداقا مولشەرى 2 كەلى ۇننىڭ نارىقتىق ورتاشا باعاسىمەن ەسەپتەلىپ، 640 تەڭگە ەتىپ بەلگىلەندى.
«دەگەنمەن باي، اۋقاتتى ادامدار ءپىتىر ساداقانى 2 كەلى مەيىزبەن (5745 تەڭگە) نەمەسە 4 كەلى قۇرمامەن (8536 تەڭگە) بەرگەنى جاقسىراق. ال ءپىديا مولشەرى – ءبىر ادامنىڭ كۇندەلىكتى (تاڭعى جانە كەشكى) تويىپ ىشەتىن اسى. ونىڭ بيىلعى مولشەرى 3400 (ءۇش مىڭ ءتورت ءجۇز) تەڭگە بولىپ بەكىتىلدى. بۇعان شاماسى كەلمەگەندەر ورازانىڭ ءار كۇنىنە ءپىتىر ساداقاسىنىڭ قۇنىن بەرەدى»، - دەيدى قمدب ءتوراعا ورىنباسارى.