مەملەكەت باسشىسىنىڭ تاپسىرمالارىنا نەگىزدەلگەن ءىس-قيمىلدار الگوريتمى ءوز دەڭگەيىندە ورىندالدى.
پرەزيدەنت قاسىم-جومارت توقايەۆقا توتەنشە جاعدايلار ءمينيسترى شىڭعىس ءارىنوۆ الماتىداعى جەر سىلكىنىسىنە بايلانىستى ۆەدومستۆونىڭ اتقارىپ جاتقان جۇمىستارى تۋرالى باياندادى، دەپ حابارلايدى اlmaty-akshamy.kz.
بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ باسپا ءسوز حاتشىسى بەرىك ءۋالي Facebook پاراقشاسىندا جازدى.
- مەملەكەت باسشىسىنىڭ تاپسىرمالارىنا نەگىزدەلگەن ءىس-قيمىلدار الگوريتمى ءوز دەڭگەيىندە ورىندالدى.
- ءقازىر قالاداعى جاعداي قالىپتى، بارلىق ءتيىستى مەكەمەلەر بەكىتىلگەن جوسپارعا سايكەس جۇمىس ىستەپ جاتىر.
پرەزيدەنت مينيسترگە مەگاپوليس تۇرعىندارىنىڭ اماندىعىن ساقتاۋ جانە الماتىداعى جاعدايدى باقىلاۋدى قامتاماسىز ەتۋ ءۇشىن قالا اكىمى ەربولات دوسايەۆپەن، سونداي-اق قالاداعى بارلىق جاۋاپتى مەكەمەلەرمەن تىعىز قارىم-قاتىناستا جۇمىس ىستەۋدى جالعاستىرۋدى تاپسىردى.