پيروتەحنيكادان زارداپ شەككەندەر سانى ءۇش ەسەگە قىسقاردى

الماتى قۇتقارۋشىلارى دا كۇشەيتىلگەن تۇردە قىزمەت كورسەتتى، ءورت ءسوندىرۋ بولىمشەلەرى دايىندىقتا بولدى.

جاڭا جىلداعى قاۋىپسىزدىكتى قامتاماسىز ەتۋدە ەڭ قيىنداۋ باعىتتارىنىڭ ءبىرى - پيروتەحنيكالىق قۇرالداردى پايدالانۋ. تجد الماتى قالاسى بويىنشا مەملەكەتتىك ورتكە قارسى باقىلاۋ باسقارماسىنىڭ باسشىسى دانيار ءجۇسىپوۆ مەرەكە كۇندەرىنە دەيىن پيروتەحنيكالىق زاتتار ساتاتىن ورىنداردىڭ بارلىعى دەرلىك تەكسەرىلگەنىن ايتتى، دەپ حابارلايدى اlmaty-akshamy.kz.

«پيروتەحنيكا» جەدەل-پروفيلاكتيكالىق ءىس-شاراسى اياسىندا الماتى قالاسىنىڭ تجد مەن پد قىزمەتكەرلەرى پيروتەحنيكالىق بۇيىمدار ساتىلاتىن ورىنداردا رەيدتەر جۇرگىزۋدە. پيروتەحنيكالىق بۇيىمداردى وتكىزۋ ەرەجەلەرىن بۇزعان 50 تۇلعاعا قاتىستى اكىمشىلىك ارەكەت ەتۋ شارالارى قولدانىلىپ، ق ر زاڭناماسىنىڭ تالاپتارىنا سايكەس كەلمەيتىن 600 دانادان استام پيروتەحنيكالىق بۇيىمدار الىنىپ تاستالدى»، - دەدى د.ءجۇسىپوۆ. .

قابىلدانعان شارالاردىڭ كومەگىمەن پيروتەحنيكالىق بۇيىمدار سالدارىنان بولاتىن ءورت كولەمىنىڭ كومەگىمەن پيروتەحنيكالىق بۇيىمدار سالدارىنان بولاتىن ءورت كولەمىن 3 ەسەگە دەيىن ازايتۋ مۇمكىن بولدى، 5 ءورت وقيعاسى تىركەلدى، ولاردىڭ بىرەۋى پيروتەحنيكا سالدارىنان بولعان. 

«پيروتەحنيكالىق بۇيىمداردى پايدالانۋدان زارداپ شەككەندەر سانى 3 ەسەگە قىسقاردى. پيروتەحنيكالىق بۇيىمداردى ۇقىپسىز پايدالانۋدىڭ سالدارىنان وسى جاڭاجىلدىق مەرەكەلەر كەزىندە 13 ادام (ونىڭ ىشىندە 3 بالا) مەديسينالىق مەكەمەلەرگە كومەك سۇراپ جۇگىنگەن. وتكەن جىلدىڭ وسى كەزەڭىندە 39 ادام زارداپ شەكتى (ونىڭ 29-ى بالالار)، - دەپ جالعاستىردى قۇتقارۋشى.