جاڭاجىلدىق مەرەكە كۇندەرى كەزدەسەتىن ءداستۇرلى پروبلەمالاردىڭ ءبىرى – ۋلانۋ.
الماتى قالالىق "جەدەل جاردەم" قىزمەتى ديرەكتورىنىڭ ورىنباسارى اندرەي لوجكين وتكەن دەمالىس كۇندەرى ادەتتەگىدەي جۇمىس ىستەگەنىن ايتتى، دەپ حابارلايدى اlmaty-akshamy.kz.
217 بريگادا جۇمىلدىرىلدى، ونىڭ ىشىندە: 186 "جەدەل جاردەم" بريگاداسى جانە ەمحانالاردا 31 "جەدەل مەديسينالىق جاردەم" بريگاداسى.
«تاۋلىگىنە 3 مىڭعا جۋىق قوڭىراۋ سوعىلدى. ونىڭ 30%-عا جۋىعى - جەدەل جۇقپالى اۋرۋلارمەن شاقىرىلعاندار. ونىڭ 50 پايىزدان استامى بالالارعا شاقىرىلدى. جكو بويىنشا شاقىرتۋلاردىڭ 10%-عا جۋىعى، ونىڭ ىشىندە: جول-كولىك وقيعاسى بويىنشا 26 شاقىرۋ – 21 زارداپ شەگۋشى ءارتۇرلى جاراقاتتارمەن اۋرۋحانالارعا جەتكىزىلدى. مەرەكە كۇندەرى پيروتەحنيكالىق ونىمدەردەن 13 ادام زارداپ شەكتى، ونىڭ ۇشەۋى - بالا. سيپاتتاماسى بويىنشا – بەت پەن كوزدىڭ تەرميالىق جانە جارىلۋ جاراقاتتارى بويىنشا 9 جاعداي جانە قولدىڭ ءتورت جاراقاتى»، - دەدى ا.لوجكين.
سونىمەن قاتار، مەرەكە كۇندەرى "جەدەل جاردەم" بريگادالارى ءۇش ايەلدى ۇيدە بوساندىرىپ الدى، جاڭا تۋعان نارەستەلەرى بار انالار اكۋشەرلىك ستاسيونارلارعا جەتكىزىلدى.
سونداي-اق، ا.لوجكين 2023 جىلدىڭ 2 قاڭتارىندا ورىن العان وقيعاعا توقتالىپ، اپاتتىق جەلىگە تاشكەنت-الماتى رەيسىندە تۋربۋلەنتتىك ايماققا تۇسكەن ۇشاقتىڭ اپاتتى جاعدايدا قونعانى جانە زارداپ شەككەن 5 ادام حابارلاما كەلىپ تۇسكەنىن ايتتى.
«زارداپ شەككەن وزبەكستاننىڭ ەكى ازاماتى باسىنان جانە اياق-قولىنان جاراقات الىپ، جەدەل جاردەم كولىگىمەن اۋرۋحاناعا جەتكىزىلدى، ۇشەۋى تەكسەرىلۋدەن باس تارتتى»، - دەپ تۇيىندەدى سپيكەر.