الماتىنىڭ پوليسەيلەرى جاڭاجىلدىق مەرەكەنىڭ قالاي وتكەنىن ايتتى
الماتى تۇرعىندارى مەن قوناقتارى دەمالىپ جاتقاندا، قۇتقارۋشىلار، پوليسەيلەر مەن دارىگەرلەر ازاماتتاردىڭ قاۋىپسىزدىگىن قامتاماسىز ەتتى. جاڭا جىلدىڭ دەمالىس كۇندەرى اياقتالىسىمەن، ماماندار وڭىرلىك كوممۋنيكاسيالار قىزمەتىنىڭ الاڭىندا توتەنشە جاعدايلار قىزمەتىنىڭ جۇمىسىن قورىتىندىلادى، دەپ حابارلايدى اlmaty-akshamy.kz.
مەگاپوليستەگى مەرەكە كۇندەرى سالىستىرمالى تۇردە تىنىش ءوتتى، جاپپاي دەمالىس ورىندارىندا وقىس وقيعا بولعان جوق. بۇل تۋرالى وكق بريفينگىندە الماتى قالاسىنىڭ پوليسيا دەپارتامەنتى جەرگىلىكتى پوليسيا قىزمەتى باسشىسىنىڭ ورىنباسارى دياس دۋانبەكوۆ ءمالىم ەتتى.
جاڭاجىلدىق مەرەكە كۇندەرى كۇندەلىكتى جۇزدەگەن پوليسەي جۇمىسقا شىقتى. 2022 جىلدىڭ 25 جەلتوقسانىندا قالادا «قۇقىقتىق ءتارتىپ» جەدەل-پروفيلاكتيكالىق ءىس-شاراسى وتكىزىلدى. پد قىزمەتى مەن بولىمشەلەرىنىڭ جەكە قۇرامى قىزمەتتىڭ كۇشەيتىلگەن نۇسقاسىنا اۋىستىرىلدى. پاترۋلدىك پوليسيا جاساقتارىنىڭ سانى ۇلعايتىلىپ، جاياۋ پاترۋلدىك مارشرۋتتار ازىرلەندى.
«ادامدار كوپ جينالاتىن نىساندارعا، سونداي-اق مەرەكەلىك جانە ويىن-ساۋىق شارالارىن وتكىزۋگە ارنالعان ورىندارعا ەرەكشە نازار اۋدارىلدى. قابىلدانعان شارالاردىڭ ناتيجەسىندە اۋىر جانە اسا اۋىر قىلمىستاردىڭ الدىن الۋعا مۇمكىندىك تۋدى. نەگىزىنەن بوتەننىڭ مۇلكىن ۇرلاۋ فاكتىسى باسىم بولدى. 31 جەلتوقسان مەن 3 قاڭتار ارالىعىندا قالادا بوتەننىڭ مۇلكىن ۇرلاۋدىڭ 30 دەرەگى تىركەلسە، ونىڭ 24ء-ى جەدەل ىزدەۋ بارىسىندا ءىزى سۋىماي اشىلدى»، - دەدى د.دۋانبەكوۆ.
سونىمەن بىرگە، بۇل كۇندەرى مەگاپوليستە 2 بۇزاقىلىق، 1 توناۋ ورىن العان. كۇدىكتىلەر قىلمىس ورنىندا ۇستالدى. سونىمەن قاتار، ەسىرتكىگە قاتىستى ەكى قىلمىس انىقتالدى. جالپى، پوليسيا قىزمەتكەرى اتاپ وتكەندەي، قالادا جاعداي تۇراقتى جانە باقىلاۋدا.
ايتا كەتەرلىگى، وبلىستىڭ پوليسيا دەپارتامەنتىنىڭ قىزمەتكەرلەرى ازاماتتارعا جول قوزعالىسى ەرەجەلەرىن ساقتاۋ، اسىرەسە، اۋا رايىنىڭ قيىن جاعدايىندا بىرنەشە رەت ەسكەرتۋ جاساعان.