الدىمەن ۆاكسينانى قانشا ازامات العىسى كەلەتىنىن انىقتاپ الۋ ماڭىزدى.
ق ر دەنساۋلىق ساقتاۋ ءمينيسترى الەكسەي سوي Pfizer ۆاكسيناسى اقىلى سەگمەنتكە قاشان شىعاتىنى تۋرالى پىكىر ءبىلدىردى، دەپ حابارلايدى Almaty-akshamy.kz
«Pfizer ۆاكسيناسىنىڭ قۇنى بويىنشا ايتساق، ءبىز Pfizer كومپانياسىمەن اقىلى ۆاكسيناسيا مۇمكىندىگى تۋرالى كەلىسىپ جاتىرمىز. قاجەتتىلىكتى انىقتاۋ ءۇشىن تىزىمدەر جينالۋدا. ءقازىر الماتىداعى ەمحانالار حالىقتىڭ سۇرانىسىن زەرتتەپ جاتىر. ۆاكسينانىڭ جارامدىلىق مەرزىمى بار ەكەنىن ءتۇسىنۋ كەرەك. بۇل ۆاكسينانى قانشا ازامات العىسى كەلەتىنىن انىقتاپ الۋ ماڭىزدى. نۇر-سۇلتان قالاسىندا دا وسىنداي جۇمىستار ءجۇرىپ جاتىر. ءقازىر بارلىق جەردە، وڭىرلەردىڭ بارىندە وسى ءىس جولعا قويىلعان. ناقتى قانشا دوزا قاجەت، قانشا ازامات اقىلى نەگىزدە ۆاكسينا العىسى كەلەدى؟ وسىنى انىقتاعاننان كەيىن عانا ناقتى قانشا ۆاكسينا جەتكىزۋ كەرەكتىگى انىق بولادى. مەن Pfizer ۆاكسيناسى اقىلى سەگمەنتكە قاشان شىعاتىنىن ءالى ناقتى ايتا المايمىن، ءبىراق جاقىن ارادا دەۋگە نەگىز بار. بۇل ماسەلەنى ءبىز تۇراقتى تۇردە تالقىلاپ جاتىرمىز، ماسەلە پىسىقتالۋدا»، - دەدى الەكسەي سوي.