قازىرگى ۋاقىتتا ورتالىقتا ەكى قازاندىق اگرەگاتى مەن 2 تۋربينا عانا جۇمىس ىستەپ تۇر
پەتروپاۆلداعى № 2 جىلۋ-ەلەكتر ورتالىعىندا كەزەكتى رەت اپات بولىپ، بىرنەشە قازاندىق ىستەن شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پەتروپاۆلداعى № 2 جىلۋ-ەلەكتر ورتالىعىندا 26 ناۋرىز كۇنى ساعات 21.30 شاماسىندا اپات بولدى. الەۋمەتتىك جەلىدە تاراعان اقپارات بويىنشا، قازىرگى ۋاقىتتا ورتالىقتا ەكى قازاندىق اگرەگاتى مەن 2 تۋربينا عانا جۇمىس ىستەپ تۇر.
“سيەۆكازەنەرگو” اق باسپا ءسوز قىزمەتى بۇل مالىمەتتى راستادى.
باسپا ءسوز حاتشىسى ليليا شەرينانىڭ ايتۋىنشا، قازىرگى ۋاقىتتا كاسىپورىندا جوندەۋ-قالپىنا كەلتىرۋ جۇمىستارى جۇرگىزىلىپ جاتىر. تولىق اقپارات ءسال كەيىنىرەك بەرىلەدى.
ەستەرىڭىزگە سالايىق، 20 ناۋرىز كۇنى جىلۋ-ەلەكتر ورتالىعىنىڭ ءتۇتىن مۇرجاسى جارتىلاي وپىرىلىپ قۇلاپ، سالدارىنان جۇمىسشى ايەل مەرت بولدى. ال پەتروپاۆل تۇرعىندارى پاتەرلەرىنىڭ سۋىپ كەتكەنىنە شاعىمدانعان ەدى.