تەك سوڭعى ءبىر اپتادا وسىنداي 749 ساۋدا ورنى انىقتالدى
الەۋمەتتىك ماڭىزى بار ازىق-تۇلىك ونىمدەرىنىڭ باعاسى قاتاڭ باقىلاۋدا. دەگەنمەن، رۇقسات ەتىلگەن 15 پروسەنت بولشەك ساۋدا ۇستەمەسىن ازسىنىپ، تاۋارىن نەعۇرلىم قىمباتقا ساتقىسى كەلەتىندەر كوپ، دەپ حابارلايدى Almaty-akshamy.kz Qazaqstan.tv-گە سىلتەمە جاساپ.
تەك سوڭعى ءبىر اپتادا وسىنداي 749 ساۋدا ورنى انىقتالدى. ولاردىڭ اراسىندا قانتقا 40، كۇنباعىس مايىنا 35 پروسەنت قوسقاندار بار.
مونيتورينگ توپتارى مۇنداي تەكسەرۋلەردى بۇدان بىلاي اۋداندىق دەڭگەيدە دە جۇرگىزەدى. بۇل تۋرالى الەۋمەتتىك-ەكونوميكالىق جاعدايدى تۇراقتاندىرۋ جونىندەگى جەدەل ءىس-قيمىل جوسپارىن ورىنداۋ جونىندەگى كەڭەستە ايتىلدى.
جيىندا پرەمەر-مينيستر ءاليحان سمايىلوۆ الەۋمەتتىك ماڭىزى بار ازىق-تۇلىك قورلارىن ءبولۋ جونىندەگى ۇيلەستىرۋ جۇمىسىن كۇشەيتۋدى تاپسىردى.