قاتتى قۇلاعان الەكسەي جەرگىلىكتى اۋرۋحاناعا جەتكىزىلدى
دايىندىق كەزىندە اۋىر جاراقات العان Astana Qazaqstan Team قازاقستاندىق ۆەلوكلۋبىنىڭ كوشباسشىسى ءارى كاپيتانى الەكسەي لۋسەنكو بەلگىسىز ۋاقىتقا دەيىن قاتاردان شىعۋعا ءماجبۇر بولدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
الەكسەي لۋسەنكو يسپانيانىڭ تەنەريفە وڭىرىندەگى تەيدە قالاسىنداعى دايىندىق جاتتىعۋى كەزىندە قۇلادى، دەپ حابارلايدى ەلوردالىق كلۋبتىڭ باسپا ءسوز قىزمەتى.
كەنەتتەن قاتتى جەل تۇرىپ، سالدارىنان شاباندوز سول جاعىنا ىعىپ كەتتى. قاتتى قۇلاعان الەكسەي جەرگىلىكتى اۋرۋحاناعا جەتكىزىلدى، وندا وعان سول جاق بۇعاناسى مەن يىعى سىنعان دەگەن دياگنوز قويىلدى.
جاقىن ارادا الەكسەي لۋسەنكو وتا جاساۋ ءۇشىن بەلگياعا جەتكىزىلەدى.