اپات كەزىندە حابار-وشارسىز كەتكەن جۇمىسشى ايەلدى ىزدەۋ جۇمىستارى بۇگىن تاڭعى ساعات 8.00-دە قايتا باستالدى
سولتۇستىك قازاقستان وبلىسىنىڭ پروكۋراتۋراسى «2-جىلۋ-ەلەكتر ورتالىعى» ج ش س ديرەكتورى مەن باس ينجەنەرىنىڭ ۋاقىتشا ۇستاۋ يزولياتورىنا قامالعانىن مالىمدەدى، دەپ حابارلايدى Almaty-akshamy.kz.
سقو پروكۋراتۋراسىنىڭ مالىمەتىنشە، قازىرگى ۋاقىتتا ق ر قىلمىستىق كودەكسىنىڭ 254-بابى «مىندەتتەرىنە ادال قاراماۋ» بويىنشا قىلمىستىق ءىس تەرگەلىپ جاتىر.
21 ناۋرىزدا سقو پوليسياسى «2-جەو» ج ش س ديرەكتورى مەن باس ينجەنەرىن ۇستاپ، پەتروپاۆل قالاسى پوليسيا باسقارماسىنىڭ ۋاقىتشا ۇستاۋ يزولياتورىنا قامادى.
«سوتقا دەيىنگى تەرگەپ-تەكسەرۋ اياسىندا وسى ءىس بويىنشا بارلىق ءمان-جايلاردى انىقتاۋعا باعىتتالعان تەرگەۋ ارەكەتتەرى جۇرگىزىلەدى. تەرگەۋ بارىسىن وبلىس پروكۋرورى مەن پد باستىعى باقىلاۋعا الدى. سونىمەن بىرگە وبلىس پروكۋراتۋراسى باقىلاۋشى ورگانداردىڭ قىزمەتىنە تالداۋ جۇرگىزەدى، ونىڭ ناتيجەلەرى بويىنشا جاۋاپتى لاۋازىمدى تۇلعالاردىڭ ىس-ارەكەتتەرىنە باعا بەرىلەدى»، - دەلىنگەن حابارلامادا.
اپات كەزىندە حابار-وشارسىز كەتكەن جۇمىسشى ايەلدى ىزدەۋ جۇمىستارى بۇگىن تاڭعى ساعات 8.00-دە قايتا باستالدى. ازىرگە ناتيجە جوق.
ەسكە سالا كەتەيىك، پەتروپاۆلدا جىلۋ ەلەكتر ورتالىعىنىڭ ءبىر مۇرجاسى قۇلادى.
ورتالىقتاعى اپاتقا بايلانىستا قىلمىستىق ءىس قوزعالدى.
جۇمىسشىلاردىڭ بىرەۋى تابىلماي جاتىر.
جەو-داعى ءتۇتىن مۇرجاسىنىڭ جارتىلاي قۇلاۋىنا بايلانىستى وبلىس اكىمى جەدەل شتاب قۇردى.
وسى وقيعا بويىنشا پرەزيدەنت وبلىس ورتالىعى مەن باسقا دا ەلدى مەكەندەردىڭ تۇرعىندارىن تەز ارادا جىلۋمەن قامتاماسىز ەتۋدى تاپسىردى.