جاڭا قازاقستاندى قۇرۋ ءبىر ساتتە ىسكە اسا قويمايدى. بۇل - ءوز كەزەگىندە قوعامدىق ترانسفورماسيانىڭ تەرەڭ جانە ۇزاق پروسەسى
مەملەكەت باسشىسى باستاما ەتكەن ساياسي رەفورمالار بيىل جۇزەگە اسىرىلادى. بۇل تۋرالى ق ر مەملەكەتتىك حاتشىسى ەرلان قارين ءمالىم ەتتى، دەپ حابارلايدى Almaty-akshamy.kz.
«الماتىلىقتاردى ناۋرىز مەيرامىمەن قۇتتىقتاۋ كەزىندە پرەزيدەنت جاڭا انىقتاما – «ەكىنشى رەسپۋبليكا» جايىندا ايتتى. وسىعان بايلانىستى كەيبىر ساراپشىلار بۇل تۇسىنىكتىڭ استارىندا نە جاتىر جانە بۇعان دەيىن جاريالانعان «جاڭا قازاقستان» كونسەپتىسىنە ونىڭ ءوزارا قاتىسى قانداي دەپ سۇراق قويىپ جاتىر. شىن مانىندە، وسى ەكى يدەولوگەمانىڭ ءمانى ءبىر، ياعني تەك اكسەنتتەرىندە عانا ايىرماشىلىق بار. جاڭا قازاقستان – ول جالپى ءبىزدىڭ ەلدىڭ بولاشاعىنىڭ وبرازى»، - دەپ جازدى ەرلان قارين Telegram كانالىندا.
ونىڭ ايتۋىنشا، بۇل تۇرعىدا قوعامدىق قۇندىلىقتاردى جاڭارتۋ مەن ۇلتتىڭ جاڭا ساپاسىن قالىپتاستىرۋ قاجەتتىگى تۋرالى ءسوز قوزعالىپ وتىر.
سايكەسىنشە، ەلىمىز قاڭتار وقيعاسى نەمەسە جولداۋدان كەيىن بىردەن اۆتوماتتى تۇردە جاڭا قازاقستاندا ءومىر سۇرە باستادى دەگەندى بىلدىرمەيدى.
جاڭا قازاقستاندى قۇرۋ ءبىر ساتتە ىسكە اسا قويمايدى. بۇل - ءوز كەزەگىندە قوعامدىق ترانسفورماسيانىڭ تەرەڭ جانە ۇزاق پروسەسى.
«سونىمەن بىرگە، پرەزيدەنت جولداۋدا ساياسي رەفورمالاردىڭ جاڭا باسىمدىقتارىن جاريالاعاننان كەيىن، بيلىك ينستيتۋتتارى اراسىندا جاڭا كونستيتۋسيالىق تەڭگەرىمدى قالىپتاستىرۋ تۋرالى ءسوز قوزعالىپ وتىرعانى كوپشىلىككە تۇسىنىكتى بولدى. ءبىرىنشى كەزەكتە ول باسقارۋدىڭ سۋپەرپرەزيدەنتتىك ۇلگىسىنەن مىقتى پارلامەنتى بار پرەزيدەنتتىك رەسپۋبليكاعا ءبىرجولا كوشۋ باستاماسىنا قاتىستى. مەملەكەت باسشىسىنىڭ بيىلعى جولداۋىن جۇزەگە اسىرۋ اياسىندا كونستيتۋسيانىڭ 30-دان استام بابىنا وزگەرىس ەنگىزۋ جانە 20-دان استام زاڭدى قابىلداۋ ەسكەرىلگەن. بۇل - رەفورمالاردىڭ وتە اۋقىمدى جوسپارى. بەلگىلەنگەن جاڭارۋلار ساياسي جۇيەنىڭ بارشا كونفيگۋراسياسىن ەلەۋلى تۇردە وزگەرتەدى»، - دەدى مەملەكەتتىك حاتشى.
وسى ورايدا ول ازاماتتاردىڭ مەملەكەتتى باسقارۋعا قاتىسۋىن كەڭەيتۋگە، جاڭا ساياسي مادەنيەتتى قالىپتاستىرۋعا ەكپىن قويىلىپ وتىرعانىن اتاپ ءوتتى.
«جالپى، تەك مەملەكەتتىك باسقارۋ مودەلىن اۋىستىرۋ باستالعانى جايىندا عانا ەمەس، سونىمەن قاتار مەملەكەتتىك ءارى قوعامدىق پاراديگمانىڭ وزگەرۋى تۋرالى ايتۋعا بولادى. بۇگىندە وسى پروسەستى ناقتى بەلگىلەۋ ءۇشىن پرەزيدەنت «ەكىنشى رەسپۋبليكا» انىقتاماسىن پايدالاندى. بۇعان قوسا، ەكىنشى رەسپۋبليكا – ول ابدەن جاقىن ءارى ايتارلىقتاي سەزىلىپ تۇرعان ماقسات. سەبەبى مەملەكەت باسشىسى باستاما ەتكەن ساياسي رەفورمالاردى جۇزەگە اسىرۋ وسى جىلدىڭ ىشىندە جوسپارلانعان. جاڭا قازاقستان – قوعام مەن ۇلتتىڭ جاڭارۋى بولسا، ال ەكىنشى رەسپۋبليكا – مەملەكەتتىك ۇلگىنىڭ جاڭارۋى»، - دەپ ءتۇسىندىردى ەرلان قارين.