ۇيىمداسقان قىلمىسقا قارسى كۇرەس باسقارماسى پەتروپاۆلداعى ساۋدا جەلىسىنىڭ باسشىلىعىنان اقشا بوپسالاعانداردى ۇستادى، – دەپ حابارلايدى almaty-akshamy.kz Polisia.kz. سىلتەمە جاساپ
ساۋدا جەلىلەرىنىڭ ءبىرىنىڭ ديرەكتورىنىڭ ارىزى بويىنشا جەدەل ءىس-شارا جۇرگىزگەن سقو پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جابىرلەنۋشىدەن 50 ميلليون تەڭگە اقشا بوپسالاعانى ءۇشىن پەتروپاۆلدىڭ ەكى تۇرعىنىن ۇستادى. 33 جانە 34 جاستاعى ەكى جاس جىگىت الەۋمەتتىك جەلىلەردە تۇتىنۋشىلاردىڭ قۇقىقتارىن قورعاۋعا ارنالعان رەسۋرستاردىڭ اۆتورلارى رەتىندە كوپشىلىك اراسىندا جاقسى تانىس.
2022 جىلدىڭ باسىنان باستاپ تۇتىنۋشىلاردىڭ قۇقىقتارىن قورعاۋدى ۇران ەتكەن ەر ادامدار پەتروپاۆلدىڭ ساۋدا نۇكتەلەرىندە رەيدتەر جۇرگىزىپ وتىرعان؛ بلوگەرلەر رەتىندە ساۋدا جەلىسى قىزمەتكەرلەرىنىڭ قاتىسۋىمەن ارانداتۋشىلىق سيپاتىنداعى بەينەروليكتەر ءتۇسىرىپ، پوليسيا مەن وزدەرى اراسىندا جانجالدى جاعدايلار جاساپ وتىرعان. الايدا ولار جەلىدەگى اۋديتوريا اراسىندا زور تانىمالدىققا يە بولماعان؛ YouTube ارناسى مەن Instagram جەلىسىندە بىرنەشە مىڭ جازىلۋشىسى بار، كوپشىلىگى سقو تۇرعىندارى.
ارانداتۋشىلىق پەن جانجالدار كەزىندە مەرزىمى وتكەن ءونىمدى ساتۋ فاكتىسىن جەلەۋ ەتىپ جۇرگەن. الايدا كەي جاعدايلاردا — شوكولاد، سۋسىندار سياقتى تاۋارلاردىڭ اقشاسىن تولەمەي وزدەرىمەن بىرگە الىپ كەتىپ وتىرعان. كۇدىكتىلەر رەيتدىك شارالارىمەن بىرگە مەملەكەتتىك ورگاندارعا ساۋدا ورىندارىندا انىقتالعان زاڭ بۇزۋشىلىقتار تۋرالى شاعىمداردى جىبەرگەن. وسىنداي ارەكەتتەرى ارقىلى بيزنەستى جوسپاردان تىس تەكسەرۋگە سەبەپشى بولدى.
قىركۇيەك ايىنىڭ باسىندا جاستار بوپسالاۋ ارقىلى ساۋدا جەلىسىنىڭ وڭىرلىك ديرەكتورىنان ءوز ارەكەتتەرىن توقتاتۋعا 50 ملن تەڭگە سوماسىندا اقشا تالاپ ەتە باستاعان، الايدا ولاردى سقو پد ۇققكب قىزمەتكەرلەرى بوپسالاۋ ارقىلى تالاپ ەتىلگەن سومانىڭ 5 ملن تەڭگە كولەمىندەگى ءبىر بولىگىن الىپ جاتقان جەرىندە ۇستادى.
ق ر قىلمىستىق كودەكسىنىڭ 194-بابى 2-بولىگى 2-تارماعى بويىنشا سوتقا دەيىنگى تەرگەۋ باستالدى. ءقازىر ءتىنتۋ شارالارى مەن تەرگەۋ ارەكەتتەرى جۇرگىزىلۋدە، ولاردىڭ ناتيجەلەرى بويىنشا تۇپكىلىكتى پروسەستىك شەشىم قابىلداناتىن بولادى.