پەتروپاۆل اۋەجايى سەنىمگەرلىك باسقارۋعا بەرىلدى

تەندەر ءوتتى دەپ تانىلدى

پەتروپاۆل اۋەجايى ءتورتىنشى رەت ساتىپ الۋ قۇقىعىمەن سەنىمگەرلىك باسقارۋعا بەرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ. تەندەر ءوتتى دەپ تانىلدى. پەتروپاۆل اۋەجايىنىڭ مۇلكى بەس جىل مەرزىمگە 2،8 ملرد تەڭگەگە سەنىمگەرلىك باسقارۋعا بەرىلدى. ساۋدا-ساتتىقتىڭ جالعىز قاتىسۋشىسىنا ساتۋعا رۇقسات ەتىلدى. سەنىمگەر باسقارۋشى قىزمەت بەيىنىن شارت جاساسقان كۇننەن باستاپ 10 جىل مەرزىمگە ساقتاۋعا، ءورت قاۋىپسىزدىگى مەن قاۋىپسىزدىك تەحنيكاسىنىڭ نورمالارى مەن تالاپتارىنىڭ، كۇزەتكە، تەرروريزمگە قارسى قورعاۋ جۇيەسىنە قويىلاتىن تالاپتاردىڭ ساقتالۋىن، اۋەجاي اۋماعىن ورتكە قارسى قۇرالدارمەن جاراقتاندىرۋدى، بىلىكتى مامانداردىڭ بولۋىن قامتاماسىز ەتۋگە، وبەكتىنى تەك نىسانالى ماقساتى بويىنشا پايدالانۋعا، ونى تالداۋعا جانە جويۋعا جول بەرمەۋگە ءتيىس. العاش رەت اۋەجاي مۇلكى ناۋرىز ايىندا ساتىلىمعا شىعارىلدى. وسى ۋاقىت ىشىندە ونىڭ قۇنى 2،8 جانە 5،6 ملرد تەڭگە ارالىعىندا قۇبىلدى. جولاۋشىلار كولىگى جانە اۆتوموبيل جولدارى باسقارماسى اۋەجاي سەنىمگەرلىك باسقارۋعا بەرۋ ءراسىمى كەزىندە شتاتتىق رەجيمدە جۇمىس ىستەيتىنىن اتاپ ءوتتى.