كەزدەسۋگە باتىردىڭ اناسى دا قاتىستى
وقۋ-اعارتۋ ءمينيسترى اسحات ايماعامبەتوۆ كوپ قاباتتى ءۇيدىڭ تەرەزەسىنەن قۇلاعالى تۇرعان بالانى قۇتقارىپ قالعان ەلوردالىق مەكتەپ تۇلەگى ەسداۋلەت داۋىتبەكوۆكە ءبىلىم گرانتىن تابىستادى، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
«جوعارى ءبىلىم بەرۋ ساپاسىمەن تانىمال جانە الەۋمەتتىك قولداۋ كورسەتۋدە بەلسەندى پوزيسيانى ۇستاناتىن ەلىمىزدەگى جەتەكشى جوعارى وقۋ ورىندارىنىڭ ءبىرى – نارحوز ۋنيۆەرسيتەتىنە العىسىمىز شەكسىز»، - دەدى اسحات ايماعامبەتوۆ جاس تۇلەككە ۋنيۆەرسيتەتتە تەگىن وقۋعا گرانتتى تابىستاپ تۇرىپ.
مينيستر ەسداۋلەتكە كورسەتكەن قايسارلىعى ءۇشىن العىسىن ءبىلدىرىپ، وزىنەن كىشىلەرگە كومەك بەرۋگە جانە ولاردى قورعاۋعا دايىن بولۋى ەلىمىزدىڭ بارلىق وقۋشىسى ءۇشىن ۇلگى-ونەگە ەكەنىن اتاپ ءوتتى.
«سىزگە كورسەتكەن قايسارلىعىڭىز بەن باتىلدىعىڭىز ءۇشىن العىس ايتقىم كەلەدى. ءسىز وقۋشىنىڭ مەكتەپ قابىرعاسىنان قالاي تۇلەپ ۇشۋى كەرەك ەكەنىن دالەلدەدىڭىز. وسىنداي اسىل، باتىر ازاماتتى تاربيەلەگەن اتا-اناڭىز بەن ۇستازدارىڭىزعا العىس ايتامىن. پرەزيدەنت بۇگىن مەكتەپتەردەگى بۋللينگ فاكتىلەرىنە الاڭدايتىنىن ايتقان ەدى. ءسىزدىڭ بۇگىنگى ەرلىگىڭىز لايىقتى ۇلگى بولادى. جوعارى سىنىپ وقۋشىلارى دا ءسىز سياقتى كىشكەنتايلاردى قولداۋعا جانە قورعاۋعا ءارقاشان دايىن بولادى دەپ سەنەمىن»، - دەدى اسحات ايماعامبەتوۆ.
سونداي-اق، كەزدەسۋگە 17 جاستاعى باتىردىڭ اناسى اسەمگۇل قابدىقالىقوۆا دا قاتىستى. بۇل وتباسى التى بالا تاربيەلەپ وتىر.