كەشە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق باقىلاۋ، اكىمشىلىك راسىمدەردى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعان بولاتىن.
وسى زاڭعا قاتىستى مادەنەت جانە اقپارات ءمينيسترى ايدا بالايەۆا الەۋمەتتىك جەلى ارقىلى ءوز ويىمەن ءبولىستى، دەپ حابارلايدى اlmaty-akshamy.kz.
كەشە ازاماتتىق قوعام سالاسىندا ەكى ماڭىزدى وقيعا بولدى: مەملەكەت باسشىسى «قوعامدىق باقىلاۋ تۋرالى» زاڭعا قول قويدى جانە ونلاين پەتيسيالار ينستيتۋتىن زاڭمەن بەكىتتى.پرەزيدەنت باستاماشى بولعان «قوعامدىق باقىلاۋ تۋرالى» زاڭنىڭ ماقساتى – ەل ازاماتتارىنىڭ مەملەكەت ىستەرىن باسقارۋعا قاتىسۋىن قامتاماسىز ەتۋ.زاڭ ازاماتتىق قوعام ينستيتۋتتارىن ودان ءارى نىعايتۋعا باعىتتالعان.ونىڭ اياسىندا پەتيسيا ينستيتۋتى رەسمي تۇردە رەتتەلەدى. ەندى قازاقستاندىقتار ارنايى ينتەرنەت-پورتال ارقىلى پەتيسيا جىبەرە الادى.بۇگىندە قوعامىمىزدا ينتەرنەت-پلاتفورمالاردا سەنىمدىلىك پەن قاۋىپسىزدىككە كەپىلدىك بەرمەيتىن ءارتۇرلى ماسەلەلەر بويىنشا پەتيسيالاردى ۇيىمداستىرۋ كەڭ تارالۋدا. ناقتى ەرەجەلەردىڭ بولۋى قوعامعا وسى ماڭىزدى قۇرالدى تيىمدىرەك جانە تارتىپپەن پايدالانۋعا مۇمكىندىك بەرەدى.زاڭ ءوتىنىش بەرۋدىڭ بىرنەشە شەكتەرىن بەلگىلەيدى. اۋداندىق دەڭگەيدەگى پەتيسيالاردى ەڭ از دەگەندە 2،5 مىڭ ازامات قولداۋى كەرەك. ءوتىنىش ۇكىمەت دەڭگەيىندە قارالۋى ءۇشىن 50 مىڭ ازاماتتىڭ قول قويۋى قاجەت.ءوتىنىشتى قاراۋ پروسەسى مۇمكىندىگىنشە اشىق بولادى، قاجەتتى قوعامدىق تىڭداۋلار وتكىزىلەدى. سوڭعى شەشىمدى مەملەكەتتىك ورگاننىڭ ءبىرىنشى باسشىسى قابىلدايدى.پەتيسيا ينستيتۋتى ءتۇرلى ماسەلەلەر بويىنشا قوعامدىق پىكىردىڭ ناعىز بارومەترىنە اينالادى دەپ ويلايمىن.ايتا كەتەرلىك ءجايت، «قوعامدىق باقىلاۋ تۋرالى» زاڭدى دايىنداۋ بويىنشا اۋقىمدى جۇمىس 2021 جىلى ۇكىمەتتىك ەمەس ۇيىم وكىلدەرى، دەپۋتاتتار، قوعامدىق كەڭەس مۇشەلەرى مەن شەتەلدىك ساراپشىلاردان قۇرىلعان جۇمىس توبىنىڭ كومەگىمەن اتقارىلدى. وسى ءساتتى پايدالانا وتىرىپ، اتالعان زاڭدى ازىرلەۋگە بەلسەنە قاتىسقانداردىڭ بارلىعىنا العىس ايتقىم كەلەدى، -دەپ جازدى ايدا بالايەۆا.