فيفا 211 ۇلتتىق فەدەراسياعا وسى اپتانىڭ ىشىندە وتەتىن بارلىق ماچتى ءبىر مينۋتتىق ۇنسىزدىكپەن باستاۋدى سۇرادى
ءار ەلدە پەلە اتىنداعى ستاديون بولادى. ءار ەلدە كەمى ءبىر ستاديونعا پەلەنىڭ ەسىمى بەرىلۋى كەرەك. حالىقارالىق فۋتبول فەدەراسياسىنىڭ پرەزيدەنتى دجانني ينفانتينو وسىنداي ۇسىنىس ايتتى، دەپ حابارلايدى اlmaty-akshamy.kz.
«بولاشاق ۇرپاق پەلەنىڭ فۋتبول الەمى ءۇشىن ماڭىزى زور تۇلعا ەكەنىن ءبىلىپ ءوسۋى كەرەك”، - دەدى ينفانتينو داڭقتى فۋتبولشىنى اقتىق ساپارعا شىعارىپ سالۋ راسىمىندە.
قوشتاسۋ شاراسى برازيلياداعى سانتوس فۋتبول كلۋبىنىڭ ستاديونىندا بولدى. وعان 230 مىڭعا جۋىق ادام جينالىپ، كەزەكتىڭ ۇزىندىعى بىرنەشە شاقىرىمعا سوزىلدى. بۇعان دەيىن فيفا 211 ۇلتتىق فەدەراسياعا وسى اپتانىڭ ىشىندە وتەتىن بارلىق ماچتى ءبىر مينۋتتىق ۇنسىزدىكپەن باستاۋدى سۇراعان بولاتىن.
ەسكە سالايىق، الەم چەمپيوناتىنىڭ ءۇش دۇركىن جەڭىمپازى ەدسون ارانتيس دۋ ناسيمەنتۋ نەمەسە كوپشىلىككە پەلە ەسىمىمەن تانىمال داڭقتى فۋتبولشى 29 جەلتوقسان كۇنى 82 جاسىندا ومىردەن ءوتتى.