قازاقستان - ءبىرىنشى ورىندا. حالىقارالىق بوكس قاۋىمداستىعى جىلدى قورىتىندىلاپ، الەمدىك رەيتينگتى جاڭارتتى، دەپ حابارلايدى اlmaty-akshamy.kz.
وعان سايكەس، ۇلتتىق قۇراما جالپى ەسەپتە ءبىرىنشى ورىنعا كوتەرىلدى. قايرات ءساتجانوۆ باپتايتىن جىگىتتەردىڭ ەنشىسىندە 48 100 ۇپاي بار. ەكىنشى ورىنعا وزبەكستان قۇراماسى جايعاستى جانە قوس كوماندا اراسىنداعى ايىرماشىلىق ايتارلىقتاي ۇلكەن. كورشى ەلدىڭ جىگىتتەرى 37 600 ۇپاي عانا جينادى. ۇزدىك ۇشتىكتى ءۇندىستان تۇيىندەپ تۇر.
IBA رەيتينگىسىنە باس-اياعى 135 ەلدىڭ بوكسشىلارى ەنگىزىلگەن. ال، ونداعى ۇپاي قۇرلىقتىق جانە الەمدىك چەمپيوناتتارداعى جەتىستىكتىرمەن ەسەپتەلەدى. ايتا كەتەيىك، يوردانيادا وتكەن سوڭعى ازيا چەمپيوناتىندا جەرلەستەرىمىز ءۇش التىن جەڭىپ العان بولاتىن. حالىقارالىق بوكس قاۋىمداستىعى سايتىندا، اسىرەسە، ساكەن بيبوسىنوۆ، قامشىبەك قوڭكابايەۆ، سەرىك تەمىرجانوۆ، اسلانبەك شىمبەرگەنوۆ، ساعىندىق توعامباي، نۇرلان ساپارباي جانە اعايىندى نۇربەك پەن ايبەك ورالبايلاردىڭ ەسىمى ەرەكشە اتالىپ وتكەن.