Air Astana اۋە كومپانياسى ەل اۋماعىنداعى بوران مەن قاردىڭ قالىڭ تۇسۋىنە بايلانىستى رەيستەردىڭ كەشىگۋى جانە ورىندالماۋى مۇمكىن ەكەنىن مالىمدەدى، دەپ حابارلايدى اlmaty-akshamy.kz.
«تاسىمالداۋشى رەيستى ورىندالماعان نەمەسە كەشىككەن جاعدايدا اۋە كومپانياسى ءار ەكى ساعات سايىن سۋسىندار، ءتورت ساعاتتان كەيىن ىستىق تاماق بەرەتىنىن ەستەرىڭىزگە سالامىز. ەگەر رەيستىڭ كەشىگۋى كۇندىز سەگىز ساعاتتان، تۇندە التى ساعاتتان ارتىق بولسا، تاسىمالداۋشى جولاۋشىلاردى قوناق ۇيگە ورنالاستىرادى، سونداي-اق اۋەجايدان قوناق ۇيگە جانە كەرى باعىتتا كولىكپەن قامتاماسىز ەتەدى. تاسىمالداۋشىنىڭ كىناسىنەن رەيس ون ساعاتتان استام ۋاقىتقا توقتاتىلعان جانە كەشىككەن جاعدايدا، جولاۋشىنىڭ تاڭداۋى بويىنشا تاسىمالداۋشى جولاۋشىنى كەلەسى رەيسپەن جەتكىزۋدى قامتاماسىز ەتەدى نەمەسە بيلەتتىڭ تولىق قۇنىن قايتارادى»، - دەلىنگەن اۋە كومپانياسىنىڭ مالىمەتىندە.
وسى ورايدا اۋە رەيستەرىنە قاتىستى مالىمەتتى كومپانيانىڭ سايتىنان كورۋگە بولادى.
«رەيس ورىندالماعان نەمەسە كەشىككەن جاعدايدا، airastana.com ۆەب-سايتىنداعى ونلاين-كەڭەسشىلەرگە نەمەسە +7 702 702 01 48 WhatsApp نومىرىنە، سونداي-اق، رەيستىڭ توقتاتىلۋى مەن كەشىگۋىنە بايلانىستى اقشانى قايتارۋ ءۇشىن help.airastana.com سايتىنداعى كومەك ورتالىعىنا حابارلاسىڭىز. رەيس كەشىكسە، مىنا ءنومىر بويىنشا بايلانىسقا شىعۋعا بولادى: +7 7272 44 44 78»، - دەپ اتالىپ وتكەن باسپا ءسوز قىزمەتىنىڭ حابارلاماسىندا.