بيىل العاش رەت مۇعالىمدەر كۇنى مەرەكەسى 5 قازانعا بەكىتىلدى. ەرتەڭ استانادا رەسپۋبليكالىق پەداگوگتەر سەزى وتەدى. وعان ەلىمىزدىڭ بارلىق وڭىرىنەن 700-گە جۋىق ءمۇعالىم قاتىسادى. پەداگوگتەر ارنايى ۇيىمداستىرىلعان الاڭدارادا وزىق ەڭبەكتەرىمەن جانە حالىقارالىق تاجىريبەلەرمەن بولىسەدى، دەپ حابارلايدى almaty-akshamy.kz
بۇگىنگى تاڭدا ەلىمىزدەگى ءبىلىم بەرۋ سالاسىندا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ باعىتىندا 500 مىڭعا جۋىق پەداگوگ جۇمىس ىستەيدى.
مەملەكەت باسشىسىنىڭ باستاماسىمەن 2019 جىلى پەداگوگتەردىڭ مارتەبەسى جەكە زاڭمەن بەكىتىلدى. 2020 جىلعى قاڭتاردان 2023 جىلعى قاڭتارعا دەيىن تاربيەشىلەردىڭ جالاقىسى جىل سايىن 25%-عا كوتەرىلدى. 2023 جىلعى 1 قىركۇيەكتەن باستاپ تاعى 30%-عا ءوستى. وسىلايشا، 97 مىڭنان استام پەداگوگتىڭ جالاقىسى 2،5 ەسەگە ارتتى.
مەكتەپكە دەيىنگى ءبىلىم بەرۋ جۇيەسىنىڭ كادرلىق الەۋەتىن كۇشەيتۋ ماقساتىندا 20390 پەداگوگ ءوزىنىڭ كاسىبي بىلىكتىلىگىن ارتتىرادى. 79 مەكتەپكە دەيىنگى ۇيىمدا «قۇزىرەتتىلىك ورتالىقتارى» جۇمىس ىستەيدى، وندا تاربيەشىلەر تاجىريبە الماسىپ، ۇزدىكتەرىن تاراتا الادى.
سونىمەن قاتار، ۇكىمەت بالاباقشالاردا جاڭا ورىندار اشۋ بويىنشا شارالار قابىلداۋدا. جىل باسىنان بەرى 29620 ورىندىق 307 مەكتەپكە دەيىنگى ۇيىم اشىلدى. جىل سوڭىنا دەيىن بالاباقشالاردا بارلىعى 81 مىڭ جاڭا ورىن، ال 2025 جىلعا دەيىن 223 مىڭ جاڭا ورىن اشۋ جوسپارلانۋدا.
بۇگىنگى تاڭدا وقۋ-اعارتۋ مينيسترلىگى مەكتەپكە دەيىنگى ۇيىمدارعا كەزەكتىلىكتى ەسەپكە الۋدىڭ ءبىرىڭعاي دەرەكقورىن قۇرۋدا. بۇل قىزمەتتەردىڭ اشىقتىعىن قامتاماسىز ەتەدى، دەرەكتەردىڭ ءبىرىڭعاي ءتىزىلىمىن قۇرادى جانە سىبايلاس جەمقورلىق تاۋەكەلدەرىن ازايتۋدى قامتاماسىز ەتەدى.