قاي قوعامنىڭ، قاي ەلءدىڭ مادەنيەتتىلىگى مەن بولاشاعى – ولاردىڭ قاريالارى مەن بالالارىنا كورسەتىپ وتىرعان مەيىرىمىمەن، جاساپ وتىرعان قامقورلىعىمەن ولشەنەدى. جەتىمىن جىلاتپاعان، جەسىرىن قاڭعىرتپاعان حالقىمىزدىڭ ىقىلىم زاماننان بەرى كەلە جاتقان يگى داستۇرلەرىن ءوزىنىڭ ەگەمەندى ەل بولىپ قۇرىلعان العاشقى كۇندەرىنەن باستاپ بۇزباي، ساقتاپ كەلە جاتقان مەملەكەتىمىز بالالاردان قامقورلىعىن، قارتتارىنان قۇرمەتىن اياعان ەمەس. ولارعا تۇراقتى تۇردە جاسالىنىپ وتىرعان الەۋمەتتىك قولداۋ-كومەكتەردى ايتپاعاننىڭ وزىندە، جىلىنا ءبىر رەت كەڭ كولەمدە اتاۋلى مەرەكەلەرى دە اتالىپ وتەدى.
قارياسىن قازىناعا بالايتىن ەلىمىزدە ءبىرىنشى قازاننان باستاپ قارتتار ايلىعى باستالدى. ءبىر كۇندى ەمەس، ءبۇتىن ايدى ەنشىلەگەن قاريالارعا ءدال وسى كەزدە قۇرمەت ەسەلەنەدى.
بۇل رەتتە قاريالاردى قولداۋ ايلىعىنا وراي №179 جالپى ءبىلىم بەرەتىن مەكتەپتە "مەيىرىمدىلىك پەن قۇرمەت"، "اتا-اناڭا قوڭىراۋ شال" پاراقشالاردى تارقاتۋ اكسياسى اياسىندا مەكتەبىمىزدىڭ وقۋشىلارى "ۇلكەنگە قۇرمەت، كىشىگە ىزەت" تاقىرىبىندا اۋدانىمىزداعى قاريالارعا قۇتتىقتاۋ پاراقشالارىن تاراتىپ، باتالارىن الدى. حالقىمىزدا «قارتىن سىيلاعان ەلدىڭ قازىناسى مول» دەگەن ۇلاعاتتى ءسوز بار. قارتتارىمىز — ۇلتىمىزدىڭ التىن قازىناسى، سارقىلماس بايلىعى. بۇگىندە ەلىمىزدە قارتتارعا ۇلكەن ءمان بەرىلىپ، ۇكىمەت تاراپىنان جان-جاقتى قامقورلىق جاسالادى. قازاقستاننىڭ ءوسىپ- وركەندەۋىنە، ەلىمىزدىڭ بەيبىتشىلىك تىنىش ءومىر كەشۋىنە ءوز ۇلەسىن قوسقان وسى ارداقتى دا اياۋلى قارتتارىمىزدىڭ ارقاسى.
ۇلت دانالىعىندا «اتاڭا نە قىلساڭ، الدىڭا سول كەلەدى» دەگەندى بىلدىرەدى. ەندەشە ءاربىر بۇگىنگى جاس ەرتەڭگى اتا-اجە ەكەنىن ۇققان دۇرىس. سول ءۇشىن ۇلكەنگە ىزەتپەن قاراۋ كەرەك. قاريالارىمىزدىڭ دانالىعىن قاشان دا العا ۇستاپ، سودان ۇلگى-ونەگە الىپ، كەيىنگى جاستارعا سول ۇلاعاتتى تابىستاعان ۇرپاقتىڭ وكىلى ەكەندىگىمىزدى ەشقاشان ۇمىتپاۋىمىز كەرەك. ويتكەنى جاستىق – اسىل ارمان، بيىك سەنىمگە جەتەلەيتىن جاس دەسەك، سول وتكەن كۇندەردىڭ ەنشىسىندەگى ءومىر جولدارىندا ەلى ءۇشىن ەرەن ەڭبەك سىڭىرگەن ارداگەرلەرىمىزدى قۇرمەتتەۋ – بارشامىزدىڭ ورتاق تا، قاستەرلى مىندەتىمىز بولىپ تابىلادى.
قۇربانبايەۆا اياگوز، №179 جالپى ءبىلىم بەرەتىن مەكتەپتىڭ قازاق ءتىلى مەن ادەبيەتى ءپانىنىڭ ءمۇعالىمى