الماتى اكىمى ەربولات دوسايەۆ ق ر پرەزيدەنتى قاسىم-جومارت توقايەۆتىڭ قاتىسۋىمەن وتكەن كەڭەستە ءبىلىم بەرۋ سالاسىندا بالالاردىڭ قاۋىپسىزدىگىن قامتاماسىز ەتۋگە ەرەكشە كوڭىل بولىنەتىنىن اتادى.
سوندىقتان جىل سوڭىنا دەيىن الماتىدا بارلىق 206 مەملەكەتتىك مەكتەپتە، 8 ينتەرناتتا جانە 193 مەملەكەتتىك بالاباقشادا كەشەندى قاۋىپسىزدىك جۇيەسىن ەنگىزۋ اياقتالادى، دەپ حابارلايدى Almaty-akshamy.kz.
بۇل جۇيە پوليسيا دەپارتامەنتىنىڭ جەدەل باسقارۋ ورتالىعىمەن بىرىكتىرىلگەن «دابىل» تۇيمەلەرى، وتكىزۋ جۇيەلەرى (تۋرنيكەتتەردى)، ءورت قاۋىپسىزدىگى جۇيەسى، بەينەباقىلاۋ كامەرالارى دەگەن ءسوز.
سونىمەن قاتار، 2023 جىلى باسشىلار مەن پەداگوگتاردى وقىتۋدىڭ كەشەندى باعدارلاماسى كەڭەيتىلدى. ەندى وعان تەك ورتا ءبىلىم بەرۋ مەكتەپتەرىنىڭ عانا ەمەس، مەكتەپكە دەيىنگى ۇيىمدار مەن كوللەدجدەردىڭ مەنەدجەرلەرى مەن مۇعالىمدەرى دە كىردى.
«ينكليۋزيۆتى ءبىلىم بەرۋ مۇعالىمدەرىنىڭ ءبىلىمىن جەتىلدىرۋ بويىنشا جوبا العاش رەت ىسكە اسىرىلىپ جاتىر. بۇل كۋرستار قازاقستاننىڭ، سينگاپۋردىڭ، ۇلىبريتانيانىڭ جەتەكشى ءبىلىم بەرۋ ۇيىمدارىنىڭ بازاسىندا وتەدى»، - دەدى الماتى اكىمى.