پەداگوگتەردى، ادىسكەرلەردى، ءبىلىم بەرۋ ۇيىمدارى باسشىسىنىڭ ورىنباسارلارىن، اتتەستاتتاۋ كەمىندە بەس جىلدا ءبىر رەت وتكىزىلەدى.
ءوز كەزەگىندە ءبىلىم بەرۋ ۇيىمدارىنىڭ باسشىلارى ءۇش جىلدا ءبىر رەت اتتەستاتتاۋدان وتەدى.
اتتەستاتتاۋعا جىبەرۋ ءۇشىن ءبىلىم بەرۋ ۇيىمى پەداگوگتەردى، ادىسكەرلەردى، ءبىرىنشى باسشىلاردى، ءبىلىم بەرۋ ۇيىمدارى مەن ادىستەمەلىك كابينەتتەر باسشىسىنىڭ ورىنباسارلارىن بىلىكتىلىكتى باعالايتىن پورتفوليوسىن قاراۋ ارقىلى جۇزەگە اسىرادى.
پەداگوگتەردىڭ ءبىلىمىن باعالاۋ ەلەكتروندىق فورماتتا وتەدى.
وجپ كەلەسى تاپسىرمالاردان تۇرادى:
1) مەكتەپكە دەيىنگى ۇيىمداردىڭ جانە جالپى ءبىلىم بەرەتىن مەكتەپتەردىڭ، ليسەيلەر مەن گيمنازيالاردىڭ مەكتەپالدى سىنىپتارىنىڭ پەداگوگتەرى ءۇشىن:
- "مەكتەپكە دەيىنگى پەداگوگيكا جانە پسيحولوگيا" - 20 تاپسىرما؛
- "بەيىن بويىنشا وقىتۋ جانە تاربيەلەۋ ادىستەمەسى" - 30 تاپسىرما؛
2) باستاۋىش ءبىلىم بەرۋ پەداگوگتەرى ءۇشىن:
- "پاندىك ءبىلىم" - 30 تاپسىرما؛
- "وقىتۋ ادىستەمەسى" - 20 تاپسىرما؛
3) نەگىزگى ورتا جانە جالپى ورتا ءبىلىم بەرۋ پەداگوگتەرى ءۇشىن:
- "پاندىك ءبىلىم" - 30 تاپسىرما؛
- "وقىتۋ ادىستەمەسى" - 20 تاپسىرما؛
4) قوسىمشا ءبىلىم بەرۋ ۇيىمدارىنىڭ پەداگوگتەرى ءۇشىن:
- "پەداگوگيكا نەگىزدەرى" - 30 تاپسىرما؛
- "پسيحولوگيا نەگىزدەرى" - 20 تاپسىرما؛
5) ارناۋلى ۇيىمداردىڭ، ينتەرناتتىق ۇيىمداردىڭ، جاتاقحانالاردىڭ تاربيەشىلەرى، پەداگوگ-اسسيستەنتتەر، الەۋمەتتىك پەداگوگتەر، كاسىپتىك باعدار بەرۋشىلەر، تالىمگەرلەر ءۇشىن:
- "پەداگوگيكا نەگىزدەرى" - 30 تاپسىرما؛
- "پسيحولوگيا نەگىزدەرى" - 20 تاپسىرما؛
6) ارناۋلى ءبىلىم بەرۋ ۇيىمدارىنىڭ پەداگوگتەرى مەن ءبىلىم بەرۋ ۇيىمدارىنىڭ ارناۋلى پەداگوگتەرى ءۇشىن:
- "بەيىن بويىنشا پاندىك ءبىلىم" - 30 تاپسىرما؛
- "ارنايى پەداگوگيكا جانە پسيحولوگيا" - 20 تاپسىرما؛
7)تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارى (وقۋ-وندىرىستىك كومبيناتتار) ءۇشىن:
جالپى ءبىلىم بەرەتىن پاندەر، جالپى كاسىپتىك جانە ارنايى پاندەر، جالپى گۋمانيتارلىق جانە الەۋمەتتىك-ەكونوميكالىق پاندەر بويىنشا وقىتۋشىلار، ادىسكەرلەر، وندىرىستىك وقىتۋ شەبەرلەرى ءۇشىن:
- "پاندىك ءبىلىم" - 30 تاپسىرما؛
- "وقىتۋ ادىستەمەسى" - 20 تاپسىرما؛
وزگە لاۋازىمداردىڭ پەداگوگتەرى ءۇشىن:
- "پەداگوگيكا نەگىزدەرى" - 30 تاپسىرما؛
- "پسيحولوگيا نەگىزدەرى" - 20 تاپسىرما؛
8)ءبىلىم بەرۋ ۇيىمدارىنىڭ، ادىستەمەلىك كابينەتتەردىڭ (ورتالىقتاردىڭ) ءبىرىنشى باسشىلارى، باسشىسىنىڭ ورىنباسارلارى ءۇشىن:
- "ق ر زاڭناماسىن جانە ءبىلىم بەرۋ سالاسىنداعى نورماتيۆتىك قۇقىقتىق اكتىلەردى ءبىلۋ" - 60 تەست تاپسىرماسى؛
9)ادىستەمەلىك كابينەتتەردىڭ (ورتالىقتاردىڭ) ادىسكەرلەرى ءۇشىن:
- "وقىتۋ ادىستەمەسى، ق ر زاڭناماسىن جانە ءبىلىم بەرۋ سالاسىنداعى نورماتيۆتىك قۇقىقتىق اكتىلەردى ءبىلۋ" - 50 تاپسىرما.
شەكتى دەڭگەيگە جەتكەندە وڭ دەپ سانالادى:
بارلىق لاۋازىمدارداعى پەداگوگتار ءۇشىن:
- "پەداگوگ" بىلىكتىلىك ساناتى-50%؛
- "پەداگوگ-مودەراتور" بىلىكتىلىك ساناتى-60%؛
- "پەداگوگ-ساراپشى" بىلىكتىلىك ساناتى-70%؛
- "پەداگوگ-زەرتتەۋشى" بىلىكتىلىك ساناتى-80%؛
- "پەداگوگ-شەبەر" بىلىكتىلىك ساناتى-90%؛
- ءبىلىم بەرۋ ۇيىمدارىنىڭ، ادىستەمەلىك كابينەتتەردىڭ (ورتالىقتاردىڭ) ءبىرىنشى باسشىلارى، باسشىسىنىڭ ورىنباسارلارى ءۇشىن-70%؛
ادىستەمەلىك كابينەتتەردىڭ (ورتالىقتاردىڭ)ادىسكەرلەرى ءۇشىن:
- "پەداگوگ" بىلىكتىلىك ساناتى-50%؛
- "پەداگوگ-مودەراتور" بىلىكتىلىك ساناتى-60%؛
- "پەداگوگ-ساراپشى" بىلىكتىلىك ساناتى-70%؛
- "پەداگوگ-زەرتتەۋشى" بىلىكتىلىك ساناتى-80%؛
- "پەداگوگ-شەبەر" بىلىكتىلىك ساناتى-90%.
ججق-عا (نۇسقاۋ بەرۋگە ۋاقىتتى ەسەپكە الماعاندا)بولىنەدى:
- مۇعالىمدەر ءۇشىن-80 مينۋت، "ماتەماتيكا"، "فيزيكا"، "حيميا"، "ينفورماتيكا" پاندەرى ءۇشىن-125 مينۋت؛
- ءبىلىم بەرۋ ۇيىمدارىنىڭ (ادىستەمەلىك كابينەتتەردىڭ (ورتالىقتاردىڭ) ءبىرىنشى باسشىلارى، باسشىسىنىڭ ورىنباسارلارى، ادىستەمەلىك كابينەتتەردىڭ (ورتالىقتاردىڭ) ادىسكەرلەرى ءۇشىن-90 مينۋت؛
- مۇمكىندىگى شەكتەۋلى ادامدار ءۇشىن (كورۋ، ەستۋ، تىرەك-قيمىل اپپاراتى فۋنكسيالارى بۇزىلعان) قوسىمشا 40 مينۋت بەرىلەدى.
وزپ قانشالىقتى ءجيى ءوتۋ كەرەك:
- پەداگوگتەر كەزەكتى اتتەستاتتاۋ كەزىندە جىلىنا 1 رەت – تەگىن، 1 رەت-بىلىم بەرۋ سالاسىنداعى ۋاكىلەتتى ورگان بەكىتكەن سوماعا سايكەس اقىلى نەگىزدە؛
- مەرزىمىنەن بۇرىن اتتەستاتتاۋعا ۇمىتكەر پەداگوگتار جىلىنا 1 رەت – تەگىن؛
- ءتيىستى بەيىن بويىنشا پەداگوگيكالىق نەمەسە وزگە دە كاسىپتىك ءبىلىمى بار نەمەسە پەداگوگيكالىق قايتا دايارلاۋ تۋرالى قۇجاتى بار، سونداي – اق پەداگوگيكالىق قىزمەتتى قايتا باستاعىسى كەلەتىن ءوتىلى جوق ادامدار – 1 رەت-تەگىن، كەيىنگىلەرى-اقىلى نەگىزدە؛
- سىناق تەستىلەۋ (ءمۇعالىمنىڭ قالاۋى بويىنشا) – جىل بويى اقىلى نەگىزدە. سىناق تەستىلەۋ ناتيجەلەرى جقج ءوتۋ ءۇشىن نەگىز بولىپ تابىلمايدى.
وزپ كەزىندە قانداي ارەكەتتەرگە جول بەرىلمەيدى:
- تەستىلەۋ تەحنيكاسى مەن قاۋىپسىزدىك جۇيەسىن قاساقانا بۇزۋ؛
- تەستىلەۋ جۇيەسىنە ارالاسۋ ارەكەتى جانە وزپ وتۋىنە بايلانىستى بۇزۋشىلىقتار؛
- ءدالىز بويىنشا كەزەكشى قىزمەتىن اتقاراتىن ادامنىڭ رۇقساتىنسىز جانە سۇيەمەلدەۋىنسىز اۋديتوريادان شىعۋ؛
- پەداگوگتەردىڭ دەنساۋلىعىنا بايلانىستى جاعدايلاردى قوسپاعاندا، اۋديتوريادان 10 مينۋتتان اسپايتىن جانە 2 رەتتەن ارتىق ەمەس شىعۋعا، بۇل رەتتە تەستىلەۋدىڭ ءبىرىنشى جانە سوڭعى ساعاتتارىندا شىعۋعا جول بەرىلمەيدى؛
- كەلىسسوزدەر جۇرگىزۋ، ءبىر جەردەن ەكىنشى جەرگە اۋىسۋ؛
- جۇمىس ءۇشىن بەرىلگەن قۇجاتتارمەن جانە ا4 قاعازدارىمەن الماسۋ؛
- اۋديتورياعا كەلەسى زاتتاردى ەنگىزۋ: ۇيالى بايلانىس قۇرالدارى سمارتفون، راسيالار، نوۋتبۋكتەر، ويناتقىشتار، مودەمدەر، سمارت-ساعات، سمارت-كوزىلدىرىك، فيتنەس-بىلەزىكتەر، ديكتوفون، سىمدى قۇلاققاپتار، سىمسىز، ميكرو قۇلاققاپتار، سىمسىز بەينەكامەرالار، GPSناۆيگاتورلار، ترەكەرلەر، قاشىقتان باسقارۋ قۇرىلعىلارى؛
- اۋديتورياعا (كومپيۋتەرلىك كابينەتكە) شپارگالكالاردى، وقۋ-ادىستەمەلىك ادەبيەتتەردى، مەندەلەيەۆ كەستەسىن جانە تۇزداردىڭ ەرىگىشتىگىن، كالكۋلياتوردى، ءتۇرلى فورماتتاعى قاعازداردى ەنگىزۋ؛
- اۋديتوريادان ءارتۇرلى فورماتتاعى قاعازداردى شىعارۋ.
ەگەر وسى قاعيدالاردىڭ بۇزىلۋى انىقتالسا، اتتەستاتتالۋشى ءبىر جىل مەرزىمگە اتتەستاتتاۋدان وتۋگە جىبەرىلمەيدى. قايتا بۇزعانى ءۇشىن پەداگوگتار مەن ادىسكەرلەرگە جول بەرمەۋ مەرزىمى 5 جىلعا دەيىن، ال مەكتەپ ديرەكتورلارىنا – 3 جىلعا دەيىن ۇزارتىلادى.
وزپ ءوتۋ كەزىندە پەداگوگتار تاپسىرۋ ءتىلىن (قازاق، ورىس)، كۇنىن، ۋاقىتىن، تەستىلەۋ ورنىن تاڭدايدى. تەستىلەۋدەن ءبىر كۇن بۇرىن پەداگوگكە تەستىلەۋ كۇنى، ۋاقىتى، ورنى تۋرالى حابارلاما جىبەرىلەدى.
كومپيۋتەرلىك تەستىلەۋ اياقتالعاننان كەيىن سەرتيفيكات بەرىلەدى، ول ججو وتكەن كۇننەن باستاپ 1 جىل ىشىندە جارامدى بولادى.