15 ساۋىردەن باستاپ الەۋمەتتىك قىزمەتتەر پورتالىندا مۇگەدەكتىگى بار ادامداردى قولداۋ جونىندەگى مەملەكەتتىك ساياساتتى ىسكە اسىرۋ اياسىندا استانا، الماتى جانە شىمكەنت قالالارىندا وڭالتۋدىڭ تەحنيكالىق قۇرالدارىن جەدەل جەتكىزۋدى ىسكە اسىرۋ جونىندەگى پيلوتتىق جوبا ىسكە قوسىلادى، دەپ حابارلايدى Almaty-akshamy.kz.
مۇگەدەكتىگى بار ادامداردى وتق-مەن قامتاماسىز ەتۋ وڭالتۋدىڭ جەكە باعدارلامالارىنا سايكەس جۇزەگە اسىرىلادى. الەۋمەتتىك قىزمەتتەر پورتالىنداعى بۇل قىزمەت وتق الۋدىڭ ەكى ءادىسىن قاراستىرادى: الىپ كەتۋ جانە جەتكىزۋ. بۇگىنگى كۇنى جەتكىزۋ قابىلداۋ پۋنكتى ارقىلى جۇزەگە اسىرىلادى، ال وڭدەۋدەن كەيىن كۋرەرگە بەرىلەدى. ورتاشا العاندا، بۇل پروسەسس 8 كۇن ۋاقىتتى الادى.
پيلوتتىق جوبانى ىسكە اسىرۋ شەڭبەرىندە وتق-نىڭ بارلىق ءتۇرىن 1 كۇن ىشىندە جەتكىزۋدى قامتاماسىز ەتۋ جوسپارلانۋدا. ەكسپرەسس-جەتكىزۋ وپەراتورى «ياندەكس دەليۆەري كەيزەت» ج ش س كۋرەرلىك قىزمەتى بولادى.
پيلوتتىق جوبا وتق ەكسپرەسس-جەتكىزۋدىڭ تيىمدىلىگىن باعالاۋعا جانە وڭ ناتيجە بولعان جاعدايدا ونى قازاقستاننىڭ بۇكىل اۋماعىنا ماسشتابتاۋ تۋرالى شەشىم قابىلداۋعا مۇمكىندىك بەرەدى.