ناتاليا گودۋنوۆا جاڭا قىزمەتكە سايلاندى

«قتج» ۇك» اق جالعىز اكسيونەرىنىڭ 2024 جىلعى 4 ساۋىردەگى شەشىمىمەن «قتج» ۇك» اق ديرەكتورلار كەڭەسىنىڭ مۇشەسى، تاۋەلسىز ديرەكتورى بولىپ ناتاليا نيكولايەۆنا گودۋنوۆا سايلاندى»، - دەلىنگەن كومپانيانىڭ رەسمي سايتىندا جاريالانعان اقپاراتتا.

ناتاليا نيكولايەۆنا گودۋنوۆا 1972 جىلى 24 مامىردا ورال قالاسىندا تۋعان.

باتىس قازاقستان اۋىل شارۋاشىلىعى ينستيتۋتىن (ەكونوميست ماماندىعى بويىنشا)، رەسەي فەدەراسياسى ۇكىمەتىنىڭ جانىنداعى قارجى اكادەمياسىن بىتىرگەن. ەكونوميكا عىلىمدارىنىڭ كانديداتى.

ەڭبەك جولىن 1993 جىلى «ورال» اگروونەركاسىپبانكتە» ەكونوميست بولىپ باستاعان. 1997-2005 جىلدارى باتىس قازاقستان اۋماقتىق مەملەكەتتىك مۇلىكتى جانە اكتيۆتەردى باسقارۋ كوميتەتىنىڭ جەتەكشى مامانى، ءبولىم باستىعى، باتىس قازاقستان وبلىسى اكىمى اپپاراتىنىڭ ءبولىم مەڭگەرۋشىسى، باتىس قازاقستان وبلىسى ەكونوميكا جانە بيۋدجەتتىك جوسپارلاۋ دەپارتامەنتىنىڭ ديرەكتورى بولىپ جۇمىس ىستەگەن.

2005-2006 جىلدارى – قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگىندە كەڭەسشى-ەكونوميست. 2006-2009 جىلدارى ماڭعىستاۋ وبلىسى اكىمىنىڭ كەڭەسشىسى قىزمەتىن اتقارعان.
2009-2011 جىلدارى – قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگىنىڭ كونسۋلتانتى، ورىنباسارى، مىندەتىن اتقارۋشى. 2012-2013 جىلدارى – قازاقستان رەسپۋبليكاسىنىڭ پرەمەر-مينيسترى ورىنباسارىنىڭ كەڭەسشىسى. 2013-2015 جىلدارى قىزىلوردا وبلىسى اكىمىنىڭ ورىنباسارى قىزمەتىن اتقاردى، ەكونوميكا، قارجى جانە جۇمىسپەن قامتۋ ماسەلەلەرىنە جەتەكشىلىك ەتتى.

2015-2017 جىلدارى – «نۇر وتان» پارتياسىنىڭ حاتشىسى، «نۇر وتان» پارتياسىنىڭ ساياسي كەڭەسى بيۋروسىنىڭ مۇشەسى. 2017 جىلعى جەلتوقساننان باستاپ – قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى. 2018 جىلعى اقپاننان باستاپ – رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى.

قازاقستان رەسپۋبليكاسى پرەزيدەنتىنىڭ 2022 جىلعى 28 قاراشاداعى № 9 جارلىعىمەن قازاقستان رەسپۋبليكاسى جوعارى اۋديتورلىق پالاتاسىنىڭ ءتوراعاسى بولىپ تاعايىندالدى. بۇل قىزمەتتى 2024 جىلدىڭ 1 ساۋىرىنە دەيىن اتقاردى.