27 ناۋرىز كۇنى الماتىدا قازاق ۇلتتىق قىزدار پەداگوگيكالىق ۋنيۆەرسيتەتىندە «پەداگوگيكالىق ۋنيۆەرسيتەت پەن اۋىل مەكتەپتەرىنىڭ ىنتىماقتاستىعى: ماسەلەلەرى مەن شەشۋ جولدارى» تاقىرىبىندا كونفەرەنسيا ءوتءتى، دەپ حابارلايدى اlmaty-akshamy.kz.
«اۋىلدىق مەكتەپ شامى» جوباسىنىڭ اياسىندا ۇيىمداستىرىلعان شاراعا اۋىل مۇعالىمدەرى مەن ءبىلىم سالاسى ساراپشىلارى قاتىستى. اشىلۋ سالتاناتىندا ۋنيۆەرسيتەتتىڭ باسقارما ءتوراعاسى – رەكتور قاناي گۇلميرا، الماتىداعى يۋنەسكو وڭىرلىك وكىلدىگىنىڭ باس مامانى الپىسبايەۆا مەيىرگۇل، TeachersLab ديرەكتورى زەينوللا ساۋلە جانە Aul.Inspired سەرىكتەستىك جانە سىرتقى كوممۋنيكاسيالار ءبولىمىنىڭ ديرەكتورى يسەنوۆا دينارا ءسوز سويلەدى. سپيكەرلەر اۋىلداعى ءبىلىم بەرۋ ورتاسىن جاقسارتۋ بويىنشا بەلسەندى جۇمىس جۇرگىزۋگە شاقىرىپ، وزەكتى ماسەلەلەر مەن ىنتىماقتاستىق پەرسپەكتيۆالارىن تالقىلادى.
پانەلدىك سەسسيالار مەن پوستەر سەسسيالارىندا ۇستازدار كوشباسشىلىق تۇجىرىمداماسى اياسىندا تاڭدالعان ماسەلەلەردى شەشۋگە باعىتتالعان جوبالارىن ۇسىندى. سەسسيالار بارىسىندا اۋىل مەكتەپتەرىندەگى وقۋ-تاربيە ۇدەرىسىن جاقسارتۋ جانە ءبىلىم ساپاسىن ارتتىرۋ بويىنشا سىندارلى شەشىمدەر مەن يدەيالار ۇسىنىلدى.
قونايەۆ قالاسى №5 ورتا مەكتەبىنىڭ قازاق ءتىلى مەن ادەبيەتى ءپانى ءمۇعالىمى ءتۇرسىنبيبى قاراسارتوۆا كونفەرەنسيا ۇستازدار ءۇشىن العا جەتەلەيتىن سەرپىلىس بولعانىن ايتتى.
«ەڭ باستىسى، كونفەرەنسياعا ءوز ىسىنە بەرىلگەن، تاجىريبەسىمەن بولىسۋگە دايىن، ارەكەت جاساۋعا ۇمتىلاتىن ناعىز كوشباسشىلار جينالدى. ءبىزدىڭ مەكتەپتىڭ جوباعا قاتىسۋشىلارى ۋنيۆەرسيتەتپەن ىنتىماقتاستىق بويىنشا پراكتيكانت-ستۋدەنتتەردى مەكتەپكە ىس-تاجىريبەدەن وتۋگە شاقىرۋ، وليمپياداعا جۇيەلى دايىندىقتا كومەك كورسەتۋ، بىرلەسكەن جوبالارعا قاتىسۋ سياقتى ۇسىنىستارىن ايتتى. كەزدەسۋدەن جاڭا يدەيالار الدىق، تاجىريبە الماستىق، وقۋشىلاردى ەڭبەككە ۇيرەتۋ تاربيەسى، وقۋ، جازۋ، كوممۋنيكاسيالىق ساۋاتتىلىق سياقتى تاقىرىپتار بويىنشا قۇندى اقپاراتتار الدىق. سونداي-اق اعىلشىن ءتىلىن ۇيرەتەتىن جوباعا قاتىسۋعا نيەت بىلدىردىك. شارا كاسىبي ءبىلىمنىڭ دامۋىنا ىقپال ەتتى جانە ءوزارا سىني دوستىق ورنادى. جوباعا قاتىسۋشىلار ءوز ماسەلەلەرىمەن بولىسكەندە QyzPU وقىتۋشى-عالىمدارى قاتىسىپ، ۇسىنىس-پىكىرلەرىن ايتىپ وتىردى، سۇراقتارعا جاۋاپ بەردى. بۇل كەزدەسۋدىڭ ۇتىمدى جاقتارىنىڭ ءبىرى بولدى. ۋنيۆەرسيتەت رەكتورى گۇلميرا قاناي كەزدەسۋدىڭ باسىنان اياعىنا دەيىن بىزبەن بىرگە بولىپ، تىڭ ۇسىنىستارىن ايتقانى مۇعالىمدەردى ىنتالاندىردى»، – دەپ اتاپ ءوتتى ۇستاز.
كونفەرەنسيا ۇستازداردىڭ كوشباسشىلىعى تۇجىرىمداماسى اياسىندا اۋىلدىق جەرلەردەگى بالالارعا ساپالى ءبىلىم بەرۋ جانە جالپى ماسەلەلەردى شەشۋدە پەداگوگيكالىق جوعارى وقۋ ورىندارى مەن اۋىل مەكتەپتەرى اراسىنداعى ىنتىماقتاستىقتىڭ ماڭىزدىلىعى مەن بولاشاعىن كورسەتتى.
