الماتىدا 2024 جىلى قالا اكىمىنىڭ تاپسىرماسى بويىنشا تكش سالاسىنا قوسىمشا 29،9 ملرد تەڭگە بولىنەدى.
بۇل تۋرالى ءماسليحاتتىڭ الماتى بيۋدجەتىن ناقتىلاۋ جونىندەگى كەزەكتى XV سەسسياسىندا قالالىق قارجى باسقارماسىنىڭ باسشىسى قانات سۋحامبەكوۆ مالىمدەدى، دەپ حابارلايدى Almaty-akshamy.kz
ونىڭ ايتۋىنشا، نيجنيايا پياتيلەتكا، قۇرىلىسشى جانە وجەت ش/ا 25 مىڭنان استام تۇرعىنىن ينجەنەرلىك ينفراقۇرىلىممەن، ونىڭ ىشىندە 115،5 كم سۋمەن جابدىقتاۋ جەلىلەرىمەن، 31،8 كم سۋ بۇرۋ جەلىلەرىمەن جانە 5 كارىز سورعى ستانسيالارىمەن 1،2 ملرد تەڭگە ءبولۋ قاجەت.
«اعىمداعى جىلى 31 كم يەسىز قولدانىستاعى ەلەكتر جەلىلەرىن قايتا جاڭارتۋ جانە 21 ترانسفورماتورلىق قوسالقى ستانسيا قۇرىلىسى اياقتالادى. بۇل ناۋرىزباي اۋدانىنىڭ 15 مىڭعا جۋىق تۇرعىنىن ۇزدىكسىز ەلەكترمەن قامتاماسىز ەتۋگە مۇمكىندىك بەرەدى. جىلۋ جەلىلەرىنىڭ توزۋىن ازايتۋ ماقساتىندا قالانىڭ اۋەزوۆ، جەتىسۋ، بوستاندىق جانە تۇركسىب اۋداندارىندا جالپى سوماسى 3،7 ملرد تەڭگەگە 6 جىلۋمەن جابدىقتاۋ نىسانى قايتا جاڭارتىلادى»، - دەپ اتاپ ءوتتى قارجى باسقارماسىنىڭ باسشىسى.
سونداي-اق، قالا باسشىسى ەربولات دوسايەۆتىڭ تاپسىرماسىن ىسكە اسىرۋ اياسىندا بيىل الاتاۋ اۋدانىنداعى «راحات – مادەنيەت» ش/ا ەلەكترمەن جابدىقتاۋ جەلىلەرىنىڭ قۇرىلىسى باستالادى. بولاشاقتا بۇل الاتاۋ اۋدانىنىڭ 10 مىڭ تۇرعىنىن ۇزدىكسىز ەلەكترمەن جابدىقتاۋمەن قامتاماسىز ەتەدى.
«قالانى اباتتاندىرۋعا 10،3 ملرد تەڭگە قاراستىرىلعان. توعان بويىندا سەرۋەندەۋ جولى بار كەڭ دەمالىس ايماعى ورنالاسقان «تەررەنكۋر» ساياباق ايماعىنىڭ كولىنىڭ اينالاسىنداعى ۋچاسكەنى قايتا قۇرۋ جۇرگىزىلەدى. سونداي - اق المالى، اۋەزوۆ، جەتىسۋ، مەدەۋ جانە ناۋرىزباي اۋداندارىنداعى اۋلا اۋماقتارىنا اعىمداعى جانە كۇردەلى جوندەۋ جۇرگىزىلەتىن بولادى»، - دەپ اتاپ ءوتتى قانات سۋحامبەكوۆ.