«پەداگوگيكالىق يدەيالار پانوراماسى-2024» بەينەساباقتار مەن بەينەدارىستەر رەسپۋبليكالىق بايقاۋىنىڭ وڭىرلىك كەزەڭى اياقتالدى.
وعان 5000-عا جۋىق ءوتىنىم كەلىپ ءتۇستى. بايقاۋ وقۋ-اعارتۋ مينيسترلىگىنىڭ قولداۋىمەن 2018 جىلدان بەرى ءداستۇرلى تۇردە ۇيىمداستىرىلۋدا، دەپ حابارلايدى aqshamnews.kz.
ءبىرىنشى كەزەڭگە قاتىسۋ ءۇشىن پەداگوگتەر ءوز يدەيالارىن: بەينەروليكتەر، دارىستەر، پراكتيكالىق، زەرتحانالىق جۇمىستار، سەمينار، شەبەرلىك ساباقتارى، سيفرلىق ءبىلىم بەرۋ رەسۋرستارى نەمەسە بەينە پودكاست فورماتىندا ۇسىندى.
كونكۋرستىڭ ماقساتى – ءتۇرلى دەڭگەيدەگى ءبىلىم بەرۋ ۇيىمدارى قىزمەتكەرلەرىنىڭ اسپاپتىق جانە پاندىك ساۋاتتىلىقتى دامىتۋ بويىنشا زاماناۋي وقىتۋ تەحنولوگيالارى مەن ادىستەمەلەرىن، وزىق پەداگوگيكالىق يدەيالارىن تانىستىرۋ جانە تاراتۋ.
ايتا كەتەيىك، رەسپۋبليكالىق كەزەڭ 11 قاراشادا باستالدى، ناتيجەلەرى اعىمداعى جىلدىڭ 20 جەلتوقسانىندا بەلگىلى بولادى. رەسپۋبليكالىق كەزەڭگە ۇزدىك ناتيجەلەر كورسەتكەن وڭىرلىك كەزەڭنىڭ جەڭىمپازدارى قاتىسادى.