سەمينار-كەڭەسكە جوبا اۆتورلارى – اباي اتىنداعى قازۇپۋ رەكتورى دارحان ءبىلالوۆ، اكادەميالىق ماسەلەلەر جونىندەگى پرورەكتور ماقتاعالي بەكتەمەسوۆ، پروفەسسورلار قورلان جامپەيىسوۆا، ناتاليا حان، شولپان كولۋمبايەۆا، سونداي-اق ۋنيۆەرسيتەتتىڭ عالىم-پەداگوگتارى، الماتى قالاسىنىڭ ءبىلىم بەرۋ قىزمەتكەرلەرى مەن مەكتەپ مۇعالىمدەرى قاتىستى.
اباي اتىنداعى قازۇپۋ-دا ق ر پەداگوگيكالىق ءبىلىم بەرۋدى دامىتۋ تۇجىرىمداماسىنىڭ جوباسى تالقىلاندى، دەپ حابارلايدى Almaty-akshamy.kz
رەكتور ءوز بايانداماسىندا جوبانىڭ نەگىزگى ەرەجەلەرى مەن پەداگوگيكالىق ءبىلىم بەرۋدى دامىتۋدىڭ باسىم باعىتتارىن ۇسىندى. ءوز سوزىندە دارحان ءبىلالوۆ تۇجىرىمداما جوباسى ق ر پەداگوگيكالىق ءبىلىم بەرۋ ساپاسىن ارتتىرۋ بويىنشا شارالاردى ىسكە اسىرۋ اياسىندا ازىرلەنگەنىن جانە بۇل قۇجاتتىڭ قازىرگى قوعامنىڭ مىندەتتەرىن، وزىق حالىقارالىق تاجىريبەنى جانە ءبىلىم بەرۋدىڭ زاماناۋي پاراديگماسىن ەسكەرە وتىرىپ، قازاقستانداعى پەداگوگيكالىق ءبىلىم بەرۋدى دامىتۋدىڭ ءتيىمدى جولدارىن انىقتاۋداعى عىلىمي-پراكتيكالىق ماڭىزدىلىعىن اتاپ ءوتتى.
بايانداماشىعا جانە جوبانى ازىرلەۋشى اۆتورلارعا بولاشاق پەداگوگتاردى كاسىبي دايارلاۋ ساپاسى، پەداگوگيكالىق جوو مەن پروفەسسور-وقىتۋشىلاردىڭ بىلىكتىلىگىن ارتتىرۋ جۇيەسىنىڭ ءوزارا بايلانىس نىساندارى، بارلىق دەڭگەيدەگى ءبىلىم بەرۋ ۇيىمدارىمەن الەۋمەتتىك ارىپتەستىك جانە «مەكتەپ-جوو» جۇيەسىندە ءدۋالدى وقىتۋدى ىسكە اسىرۋ، پەداگوگيكالىق پراكتيكانىڭ بارلىق تۇرلەرىنىڭ مەرزىمدەرى مەن مازمۇنى، ءبىلىم الۋشىلاردى پەداگوگيكالىق ماماندىققا ىنتالاندىرۋ، سونداي-اق، پەداگوگيكالىق ماماندىقتاردىڭ بب-دا زەرتتەۋ قۇرامداس بولىگى ۇلتتىق كونتەنتتى دامىتۋ جونىندە قىزۋ تالقىلاۋ تۋعىزعان پروبلەمالىق سۇراقتار قويىلدى.
سەمينار-كەڭەسكە قاتىسۋشىلاردى ءداستۇرلى قۇندىلىقتاردى ساقتاۋ جانە جوعارى وقۋ ورنىنا دەيىنگى كاسىپتىك باعدار بەرۋدىڭ يننوۆاسيالىق نىساندارىن «پەداگوگ» ماماندىعىنا ەنگىزۋ، جوعارى پەداگوگيكالىق ءبىلىم بەرۋ دەڭگەيىندەگى دايارلاۋ مودەلدەرى – بۇيىرلىك كىرۋ، قولدانبالى باكالاۆريات، Honors College (دارىندى ءبىلىم الۋشىلارعا ارنالعان كوللەدج) پەداگوگيكالىق ءبىلىم بەرۋ دەڭگەيىندە جۇرگىزىلەتىن يننوۆاسيالار ەرەكشە قىزىعۋشىلىق تۋدىردى.
تالقىلاۋ بارىسىندا ءسوز سويلەۋشىلەر اتالعان قۇجاتتىڭ ق ر پەداگوگيكالىق ءبىلىم بەرۋ جۇيەسىنىڭ ساپاسىن ارتتىرۋداعى يننوۆاسيالىق ماڭىزى مەن زامانعا سايكەستىگىن اتاپ ءوتتى.