بارلىق ۋچاسكەلىك پوليسيا ينسپەكتورلارى قىزمەتتىك اككاۋنت اشادى
ككو-نىڭ كەزەكتى وتىرىسىنىڭ كۇن تارتىبىنە شىعارىلعان جالعىز ماسەلە – ۋچاسكەلىك پۋنكتتەرى مەن ستاسيونارلىق پوستتاردىڭ جۇمىسىن ۇيىمداستىرۋ، دەپ حابارلايدى Almaty-akshamy.kz.
«ەلباسىنىڭ تاپسىرماسىن ورىنداۋ ءۇشىن اكىمدىكپەن بىرلەسىپ، ۋچاسكەلىك پوليسيا ينسپەكتورلارىنىڭ قىزمەتىن جەتىلدىرۋدىڭ ءۇش جىلدىق جوسپارىن جاسادىق. ولار وزدەرى قىزمەت كورسەتەتىن اكىمشىلىك اۋماقتا تۇراتىن بولادى – بۇل ءبىرىنشى كەزەكتە تۇرعىندار ءۇشىن قولايلى جانە، ارينە، پوليسيا قىزمەتكەرىنىڭ جۇمىسىنىڭ تيىمدىلىگىنە وڭ اسەر ەتەدى. ءىىو جۇيەسىندە ۋچاسكەلىك پوليسيا ينسپەكتورلارى كوپ فۋنكسيونالدى پوليسيا قىزمەتىن كورسەتەدى. ولار قۇقىق بۇزۋشىلىقتار مەن قىلمىستاردىڭ الدىن الۋدا، تۇرعىن ءۇي اۋداندارى مەن ەلدى مەكەندەردە قوعامدىق ءتارتىپ پەن قاۋىپسىزدىكتى قامتاماسىز ەتۋدە باستى تۇلعا بولىپ تابىلادى. ولاردىڭ قىزمەتى حالىقپەن تىكەلەي بايلانىستا جۇزەگە اسىرىلادى. ولار ءوز مىندەتتەرىن ورىنداي وتىرىپ، ىشكى ىستەر ورگاندارى تۋرالى قوعامدىق پىكىردىڭ قالىپتاسۋىنا ايتارلىقتاي اسەر ەتەدى، سونىمەن قاتار، ازاماتتاردىڭ پوليسياعا سەنىم دەڭگەيى ولاردىڭ جۇمىسىنىڭ ساپاسى مەن تيىمدىلىگىنە تىكەلەي بايلانىستى»، - الماتى قالاسى ءپد-نىڭ باسشىسى قانات تايمەردەنوۆ.
وسىعان وراي، سپيكەردىڭ ايتۋىنشا، ۋچاسكەلىك پوليسيا ينسپەكتورلارىنىڭ تۇرعىندارمەن كۇندەلىكتى بايلانىسىنا قول جەتكىزۋ شارالارى جۇرگىزىلۋدە. مۇنداي تالاپتار، اسىرەسە، ۋچاسكەلىك پوليسيا ينسپەكتورلارىنىڭ حالىق الدىنداعى ەسەپتەرى زاڭنامالىق دەڭگەيدە بەكىتىلگەن جاعدايدا وزەكتى بولىپ تابىلادى.
«سونداي-اق، ۋچاسكەلىك پوليسيا ينسپەكتورلارىنىڭ اقپاراتتىق-كوممۋنيكاسيالىق الاڭدار ارقىلى حالىقپەن ءوزارا ارەكەتتەسۋ تاجىريبەسى جالعاسۋدا. بۇگىندە الەۋمەتتىك جەلىدە 170 ۋچاسكەلىك پوليسيا قىزمەتكەرى بار. ولاردىڭ ءارقايسىسىندا ورتا ەسەپپەن 4 مىڭ جازىلۋشى بار. سونىمەن قاتار، ۋپي جالپى ءۇي چاتتارىنا قوسىلعان، ولار پيك جانە وسي-مەن تىعىز ارەكەتتەسەدى. قازىرگى ۋاقىتتا پد باسشىلىعىنىڭ نۇسقاۋىمەن بارلىق ۋچاسكەلىك پوليسيا ينسپەكتورلارىنا قىزمەتتىك اككاۋنتتار اشۋ جۇمىستارى جۇرگىزىلۋدە»، - دەدى، الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى، پوليسيا پودپولكوۆنيگى دياس دۋانبەكوۆ.