قىزدىڭ جوعالعانى تۋرالى ارىز ەكىباستۇز قالاسىنىڭ پوليسياسىنا 17 قاراشادا ساعات 21:15-تە كەلىپ تۇسكەن، دەپ حابارلايدى almaty-akshamy.kz
دەرەۋ دابىل بويىنشا پوليسيانىڭ جەكە قۇرامى كوتەرىلدى، بالانىڭ جوعالىپ كەتۋى تۋرالى اقپارات جەرگىلىكتى چاتتار ارقىلى تاراتىلدى، ىزدەۋگە Vita ەرىكتىلەرى مەن بەي-جاي قارامايتىن ازاماتتار قوسىلدى.
پوليسيا ساعات 16:00 شاماسىندا 39 جاستاعى ايەل ءۇش بالاسىمەن دەمالىس كۇندەرى اۋىلدان 15 شاقىرىم جەردە ورنالاسقان شارۋا قوجالىعىنداعى جۇبايىنا بارۋعا شەشىم قابىلداعانىن انىقتادى. قىزى ميلانا سوندا بارۋدان باس تارتىپ، ۇيدەن شىعىپ كەتكەن. اۋىل تۇرعىندارى قىزدى اۋىلدان 1،5 كم قاشىقتىقتا ورنالاسقان بولىمشەدە كورگەن.
پوليسيا وسى فاكتى بويىنشا قانداي دا ءبىر اقپارات بولسا، 102 تەلەفونى بويىنشا حابارلاۋدى سۇرايدى.
داۆىدوۆا ميلانا، 2015 جىلى تۋعان، قوياندى اۋىلدىق وكرۋگىنىڭ بەسقاۋ اۋىلىنداعى مەكتەپتىڭ 3 سىنىپ وقۋشىسى. بويى 128-130 سم، ارىق دەنە ءبىتىمى، كوزدەرى قوڭىر، شاشتارى اقشىل. ۇستىندە قارا كۇرتە، اشىق جاسىل ءتۇستى تريكو، سۇر ءتۇستى كۋرتكا، قارا ەتىك.
