سوتتالۋشى ىشكى تىيىم سالىنعان ايماقتا ۇستالدى
پاۆلودار قالاسىنىڭ قاج-24 مەكەمەسىندە سوتتالعانداردىڭ ءبىرى ىشكى تىيىم سالىنعان ايماققا كىرگەن، دەپ حابارلايدى Almaty-akshamy.kz ۇلتتىق ۇلاننىڭ باسپا ءسوز قىزمەتىنە سىلتەمە جاساپ.
وقيعا 16 ساۋىردە ساعات 12:30 شاماسىندا بولعان. سوتتالۋشى باقىلاۋشىلاردىڭ ىزىمەن تىيىم سالىنعان ايماققا كىرىپ كەتكەن.
سوتتالعان ادامنىڭ قاشۋعا ارەكەتتەنگەنىن بايقاعان بەكەتتىڭ كەزەكشى كۇزەتشىسى ەسكەرتۋ جاساعان، ارتىنشا دابىل سيگنالىن باسقان. سودان كەيىن ۇلتتىق ۇلان ساربازى قاراۋىل باستىعىنا حابار بەرىپ، ەسكەرتۋ رەتىندە اسپانعا وق اتقان.
سوتتالۋشى ىشكى تىيىم سالىنعان ايماقتا ۇستالدى. ءمان-جايدى انىقتاۋ ءۇشىن جەدەل-تەرگەۋ ءىس-شاراسى باستالدى.
سونداي-اق پاۆلودار وبلىسى بويىنشا قىلمىستىق-اتقارۋ جۇيەسى دەپارتامەنتى جانە ۇلتتىق ۇلاننىڭ 6679 اسكەري ءبولىمىنىڭ كومانديرى بىرلەسىپ قىزمەتتىك تەرگەۋ باستادى.