قازاقستاندا ازىق-تۇلىك باعاسى قىمباتتاپ جاتىر
قاڭتار-اقپان ايلارىندا ازىق-تۇلىك ءوندىرۋ سالاسىنىڭ نەگىزگى كاپيتالىنا سالىنعان ينۆەستيسيالار كولەمى 19،8 ملرد تەڭگەنى قۇرادى. 2021 جىلدىڭ وسى كەزەڭىمەن سالىستىرعاندا 4% كوپ. ونىڭ الدىڭعى جىلى بىردەن 3،1 ەسە وسكەن ەدى، دەپ حابارلايدى Almaty-akshamy.kz finprom.kz سايتىنا سىلتەمە جاساپ.
ازىق-تۇلىك سالاسىنا سالىنعان ينۆەستيسيانىڭ 87 پايىزى ءۇش وڭىرگە تيەسىلى:
شقو – 9،5 ملرد تەڭگە، 6،2% وسكەن؛
اقمولا وبلىسى – 5،1 ملرد تەڭگە، 4،4 ەسە وسكەن؛
الماتى وبلىسى – 2،6 ملرد تەڭگە، 33،5% ازايعان.
سەكتور ينۆەستيسياسىنىڭ 10 ملرد تەڭگەسىن بانكتەر نەسيە رەتىندە بەرگەن. ال 9،7 ملرد تەڭگە – ونەركاسىپتىڭ ءوز اقشاسى. بانكتىك ەمەس ينۆەستيسيا كولەمى 82،5 ملن تەڭگەنى قۇرادى.
قازاقستاندا ازىق-تۇلىك باعاسى قىمباتتاپ جاتىر. ناۋرىز ايىنىڭ وزىندە 6،1% قىمباتتاعان. ناتيجەسىندە ناۋرىز ايىنىڭ قورىتىندىسى بويىنشا ازىق-تۇلىك باعاسى ءبىر جىلدا 15،9% وسكەن.
سالىستىرمالى تۇردە وتكەن «سانكسيا داعدارىسى» كەزىندە ازىق-تۇلىك باعاسى 2016 جىلى – 12،1%، 2017 جىلى 9% قىمباتتادى.